web counter
LEXO PA REKLAMA!

SHKARKO APP

App Store
Google Play

Arti në zi: I preku të gjithë me historinë e jetës, vdes këngëtari i njohur

30 Janar 2018, 10:55, Aktualitet CNA

I njohur me emrin “Coco”, artisti i njohur gjerman Heinz Jakob Schumann është ndarë nga jeta në moshën 93-vjeçare. Lajmin e ka dhënë për mediat botërore kompania që përfaqësonte Schumann.

Schumann, një i mbijetuar i Holokaustit, “e ka kënaqur audiencën e tij” jo vetëm me muzikë, por edhe me “humor dhe ngrohtësi”, tha kompania, Trikont.

Trikont tha se muzikanti vdiq në Berlin të dielën. Shkaku i vdekjes së tij nuk është bërë ende i ditur.

Schumann, i lindur në Berlin në 1924, bëri emër në skenën muzikore në vitet 1930. Në vitin 1943 Schumann u arrestua dhe u deportua në Theresienstadt, një kamp përqendrim. Ai u detyrua të performonte për oficerët nazistë që drejtonin kampin dhe në një intervistë e përshkroi përvojën si “të padurueshme”.

“Ne kemi luajtur muzikë në ferr,” është shprehur Schumann duke i prekur të gjithë me historinë e tij të jetës.

Më vonë së bashku me anëtarët e grupit të tij, muzikanti u dërgua në kampin e vdekjes në Auschwitz në Poloni të pushtuar nga nazistët, ku atje luante muzikë për të burgosurit.

“Muzika më shpëtoi jetën”, është shprehur Schumann. Ai u kthye në Gjermani në fund të Luftës së Dytë Botërore dhe vazhdoi të luante muzikë duke publikuar disa këngë./CNA





Lajmet e fundit nga