web counter
LEXO PA REKLAMA!

SHKARKO APP

App Store
Google Play

E fundit!

x

Ish-ministri i Brendshëm reagon pas deklaratës së Kotzias: Të zbardhen bisedimet

30 Janar 2018, 15:14, Aktualitet CNA

Ish-ministri i Brendshëm, Dritan Demiraj, ka reaguar pas deklaratës së ministrit grek Nikos Kotzias, se Shqipëria ka pranuar zgjerimin me 12 milje të hapësirës detare të Greqisë.

Sipas Demirajt, kjo deklaratë është shqetësuese edhe për faktin se bëhen të ditura nga Greqia dhe jo nga autoritetet shqiptare.

“Të dashur miq,

Deklarata e ministrit grek Kotzias se ministri i Jashtëm i Shqipërisë, z. Ditmir Bushati ka pranuar zgjerimin me 12 milje të hapësirës detare të Greqisë, që përkthehet në brendësi të territorit detar të Shqipërisë është së paku shqetësuese.

Shqetësuese është fakti që këto lajme, po ashtu si dhe për mos bisedimin e çështjes Çame në tryezën e dy ministrave të Jashtëm, e mësojmë nga zyra e shtypit të ministrisë së Jashtme greke.”, – shkruan Demiraj.

Më tej ai shprehet se, “Ministri Bushati nuk i qartësoi këto vendime në daljet e tij publike të ditës së djeshme.
Mungesa e transparencës së bisedimeve Greqi-Shqipëri mund të paralajmërojë vendime penalizuese për territorin e Republikës së Shqipërisë.”,

Në përfundim të reagimit të tij, ish-ministri i Brendshëm, Demiraj, ka kërkuar transparencë të plotë të bisedimeve.

“Si qytetar dhe si njeri që i ka shërbyer vendit në shumë sfida sigurie, kërkoj transparencë të plotë të bisedimeve, duke filluar me zbardhjen e proçesverbaleve të takimeve dy palëshe. DD.”, – shkruan përfundon Demiraj. /CNA.al





Lajmet e fundit nga