Vjedh 8 celular dhe largohet me vrap/ Arrestohet 37-vjeçari izraelit

29 Janar 2018, 14:53, Aktualitet CNA

Policia ka arritur të arrestojë një 37-vjeçar me nënshtetësi Izraelite, pasi kishte vjedhur me dhunë 8 celularë dhe ishte larguar me vrap.

Është dashur ndërhyrja e një punonjësi të Repartit Special, “Shqiponjat” i cili po shkonte në shërbim, gjë që ka bërë të mundur ndalimin e hajdutit 37-vjeçar lindur në Vlorë dhe banues në Izrael.

37-vjeçari E. Aliay, i cili ka pasaportë izraelite, kishte rrëmbyer me forcë 8 aparate celulare, por aventura e tij ka përfunduar shpejt.

Në njoftimin e policisë thuhet:

Vjedh me forcë 8 aparate celular në një dyqan dhe largohet me vrap.

Ndërhyrja e menjëherëshme e një punonjësi të Repartit Special ? Shqiponjat? që po shkonte në shërbim, dhe mbërritja në kohë e partullave të policisë bëri të mundur kapjen dhe arrestimin në flagrancë të autorit.
Sekuestrohen në cilësinë e provës materiale 8 aparate celular që autori mori me forcë në dyqan. Më datë 29.01.2018, rreth orës 11:00, në Paskuqan, shtetasi Eragon Aliay është futur në dyqan celularësh të një kompanie dhe pasi ka shtyrë shitsen me forcë ka marrë 8 aparate celular dhe është larguar me vrap.
Shitësja e dyqanit ka njoftuar Policinë në numrin 112, ku në drejtim të adresës së dhënë janë nisur menjëherë shërbimet policore si dhe skuadra ?Shqiponjat. Në afërsi të vedit të ngjarjes ishte duke lëvizur në këmbë për të shkuar në punë edhe një punonjës policie i Reparit Special Shqiponjat, i cili porsa ka parë shtetasin e lartpërmendur që po vraponte dhe shitsen e dyqanit që po kërkonte ndihmë është vënë menjëherë në ndjekje të tij. Shtetasi Eragon Aliay kur ka parë se po e ndiqte punonjësi i Policisë ka hedhur në rrugë aparatet celularë dhe ka vijuar lëvizjen me vrap por që është kapur nga punonjësi i policisë ku në ndihmë të tij mbërritën edhe dy patrulla të Policisë, të cilët bënë shoqërimin e tij për në Komisariatin e Policisë Nr 5 Tiranë.
Në përfundim të veprimeve të para të kryera nga Specialistët për Hetimin e Krimit, u bë arrestimi në flagrancë i shtetasit: Eragon Aliay, 37 vjeç, lindur në Vlorë dhe banues në Izrael, (me pasaportë Izraelite). Grupi hetimor sekuestroi në cilësinë e provës materiale 8 aparate celular.
Shtetasi lartpërmendur kishte hyrë në Shqipëri dy javë më parë dhe sipas informacioneve nuk kishte destinacion final por endej rrugëve. Materialet i kaluan Prokurorisë së Rrethit Gjyqësor Tiranë për veprime të mëtejshme. /CNA.al