web counter
LEXO PA REKLAMA!

SHKARKO APP

App Store
Google Play

Reforma në Drejtësi/ Rama i kërkon ndihmë Fatos Nanos?

29 Janar 2018, 11:09, Aktualitet CNA

Gjatë fjalës së tij në takimin e sotëm të Fondacionit ?Qemal Stafa? për Reformën në Drejtësi sipas perspektivës europiane, kryeministri Rama theksoi punën e madhe që e pret përpara fondacionin.

Gjithashtu, Rama përmendi disa nga emrat e njohur të kësaj force politike, që e kanë drejtuar atë në vite, siç është lideri historik i PS, Fatos Nano.

Rama tha se ka ardhur koha që energjitë e Fatos Nanos, por edhe të larguarve të tjerë, të bëhen bashkë për të marrë në dorë përgjegjësitë e së ardhmes së Shqipërisë.

?Për ti dhënë mundësinë e atyre që janë më të rinj që nuk e njohin mjaftueshmërisht historinë tonë që nuk kanë pasur mundësi ti dëgjojnë protagonistët e së djeshmes.

Sigurisht që duhet të bëj bashkë Fatos Nanon, Servet Pëllumbin, Ethem Rukën, Luan Hajdaragën, Ylli Bufin e me radhë njerëz që kanë pasur përgjegjësira të mëdha në momente të caktuara me ne që sot i kemi këto përgjegjësi dhe pesha?, tha Rama.

 

Ai theksoi se fondacioni ?duhet të bëjë bashkë Nanon, Pëllumbin, Hajdaragën, Ylli Bufin e me radhë njerëz që kanë pasur përgjegjësi në kohë të rëndësishme dhe pesha të rënda në vendimmarrjet e PS, me ne që sot i kemi këto përgjegjësi dhe peshën dhe me të tjerë që i përkasin botës akademike, shoqërisë civile, ku përkatësia nuk është kaq direkte sa e atyre që janë të lidhur me këtë familje politike, por indirekt na vjen si hapësirë vlerash, parimesh?.

Sipas Ramës, fondacioni duhet të vazhdojë traditën e krijuar për të bashkëpunuar me fondacione të rrjetit të së majtës progresiste./ CNA.al





Lajmet e fundit nga