web counter
LEXO PA REKLAMA!

SHKARKO APP

Reforma e ujit/ Zgjatet afati i formalizimit të abonentëve

29 Janar 2018, 10:15, Aktualitet CNA

Në një dalje për mediat paraditen e sotme, Ministri i Infrastrukturës dhe Energjitikës, Damian Gjiknuri ka bërë të ditur se afati për të lidhur kontratat për ujin e pijshëm do të zgjatet edhe një muaj, por kjo sipas tij vetëm për abonentët familjarë.

Gjiknuri sqaroi se ky vendim vjen për shkak të fluksit të paparë të qytetarëve në sportelet e UKT.

?Afrimi i datës 1 shkurt, ka bërë që sportelet të kenë një fluks të paparë të qytetarëve dhe në këtë situatë ju kërkojmë bashkive dhe UKT të zgjasin edhe me një muaj afatin e vetëdisiplinimit për konsumatorët familjarë. Qytetarët të mos penalizohen. Kanë kohë deri me datën 28 shkurt.?- tha ministri Gjiknuri.

Gjithashtu ai theksoi se UKT do të nisë me 1 shkurt aksionin derë më derë për verifikimin e çdo subjekti biznesi për kontratat e ujit të pijshëm?./ CNA.al





Lajmet e fundit nga