web counter
LEXO PA REKLAMA!

SHKARKO APP

App Store
Google Play

Fondi i BE për bujqësinë/ Ministri Peleshi tregon si mund të përfitohet nga fermerët

28 Janar 2018, 16:26, Aktualitet CNA

Ministri i Bujqësisë, Niko Peleshi zhvilloi ditën e sotme një takim të posaçëm sektorial, ku në fokus ishte mbështetja e fermerëve dhe financimi prej 94 milionë euro për bujqësinë, prej të cilave 71 nga BE dhe 23 nga qeveria shqiptare.

Sipas Peleshit për të përfituar nga ky financim, fermerëve nuk duhen dokumente, por vetëm plotësimi i një formulari.

?Dua të them edhe njëherë lajmin shumë të mirë. Dje kemi marrë letrën nga drejtoria e Përgjithshme Rurale e BE për miratimin apo çeljen e programit më të madh që bujqësia shqiptare ka pasur ndonjëherë. Bëhet fjalë për një financim milionë euro, 94 milionë euro për mbështetjen e bujqësisë, në total. Kjo është mundësi e madhe dhe sfidë për ne. Nuk është e thjeshtë të absorbojmë këtë masë. Ka burokracinë vetë të domosdoshme, ndonëse ne do të aplikojmë këtë vit një qasje invoative, ndoshta më inovative, që është aplikimi me zero dokumente. Çdo fermer do të ketë mundësi që të aplikojë pa paraqitur asnjë dokument, por vetëm duke plotësuar një formular me të dhëna. Do i drejtohen agro-pikave, që janë sportele unike ku AZHBR do të jetë më pranë fermerëve që këta të dinë si të përfitojnë dhe të marrin ndihmë nga fondi i garancisë. Aplikimi do të bëhet pranë këtyre sporteve. Pastaj vetëm fituesit do të duhen të vetëtojnë ato që kanë shkruar në formular?, – tha Peleshi. /CNA.al





Lajmet e fundit nga