web counter
LEXO PA REKLAMA!

SHKARKO APP

App Store
Google Play

Emërime klanore në Ministrinë e Drejtësisë/ Ja, kush është emëruar me urdhër të Fatmir Xhafajt

28 Janar 2018, 16:22, Aktualitet CNA

Emërimet në Ministrinë e Drejtësisë, janë bërë sipas lidhjeve shoqërore, miqësore, klanore dhe  partiake.

Në një denoncim të mbërritur pranë CNA (CityNews Albania) thuhet, se Ministrja e Drejtësisë Etilda Gjonaj ka demostruar papërgjegjshmëri.

Gjonaj ka emëruar këshilltare, një 26 vjeçare, të cilën më herët e ka patur sekretare, ndërsa ka vënë në krye të kabinetit, me porosi të ministrit të brendshëm Fatmir Xhafaj, vajzën e gjyqtares Gjinofeva  Gaba.

Me marrjen e detyrës, në muajin shtator 2017 Etilda Gjonaj ka demostruar paaftësi, dhe arrogancë në ushtrimin e detyrës si Ministre e Drejtësisë.

Më poshtë po rendisim disa fakte dhe prova që vërtetojnë se Ministria e Drejtësisë është në ditët më të këqija në historinë e saj, të pas viteve ?90.

Puna e parë ashtu si çdo ministër ishte plotësimi i stafit të ngushtë apo kabineti. Pa paragjykuar moshën e ministres besonim se boshllëkun në eksperiencën e saj do e mbulonte me këshilltarë me përvojë dhe profesionist.

Por, nuk ishte e thënë, pasi sot Ministrja e Drejtësisë znj. Etilda Gonaj 36 vjeç, këshillohet nga një vajzë 26 vjeçare Averina Abazaj, apo e thënë ndryshe ish sekretarja e saj është emëruar këshilltare e Ministrit të Drejtësisë.

Në krye te Kabinetit me porosi të z. Fatmir Xhafaj është emëruar znj. Jonida Gaba, me të vetmin kontribut trashëgiminë e një mbiemri të madh të korrupsionit në drejtësi (vajza e kampiones së korrupsionit Gjinovefa Gaba, gjyqtares së Vlorës).

Pra, janë këta persona që do të Këshillojnë Ministren e Drejtësisë në reformat dhe sfidat e rëndësishme të drejtësisë, komentet e tjera janë të tepërta./CNA.al

 





Lajmet e fundit nga