web counter
LEXO PA REKLAMA!

SHKARKO APP

App Store
Google Play

Protestuesit e LSI i kthejnë shpinën Bashës

27 Janar 2018, 21:00, Aktualitet CNA

“Opozita e bashkuar” e Lulzim Bashës dhe Monika Kryemadhit, zhvilloi ditën e sotme protestën e paralajmëruar prej javësh, por përkundër asaj që përflitej, protesta u bojkotua nga shumë qytetarë.

Lulzim Basha dhe deputetët e tij trumbetuan si sukses protestën e sotme, ku ndonëse me pjesëmarrje nga LSI, PD dhe aleatët e saj, sërish nuk u arrit të kalohej numri i pjesëmarrësve të cilët Partia Demokratike më 18 shkurt të një viti më parë, i mblodhi e vetme në bulevardin “Dëshmorët e Kombit”, ku edhe do të vendoseshin për 3 muaj në “Çadrën e Lirisë”, pikërisht aty ku sot ngrihej podiumi ku folën drejtuesit e protestës dhe vetë Luli.

Por ka diçka për të cilën nuk u fol, dhe ajo ka të bëjë me atë që po ndodhte në momentin kur fjalën e mori Lulzim Basha, si kryetar opozite.

Në kohën kur Lulzim Basha po mbante fjalën e tij, shumë prej qytetarëve filluan të largoheshin. Protestuesit që u larguan nga sheshi ishin kryesisht përkrahës të Lëvizjes Socialiste për Integrim, partisë me të cilën Luli sot është në bashkëpunim të ngushtë. Kjo vjen si një formë reagimi ndaj Lulzim Bashës, duke i treguar se nuk e njohin si lider të opozitës, pasi sapo ka mbaruar fjalën e saj Monika Kryemadhin ata filluan të largohen.

Por nuk ishin vetëm simpatizantët e Monikës, por edhe demokratët që e refuzojnë Lulzim Bashën si kryetar të tyre. Demokratët të cilët nuk pranojnë që ai i cili i shkaktoi humbjen më të thellë Partisë Demokratike, në një kohë kur duhet të ngrihej, jo vetëm që nuk dha dorëheqje dhe të bënte një garë të ndershme, por vodhi votat brenda partisë së tij.

Lulzim Basha jo vetëm që nuk mblodhi dot më shumë qytetarë së bashku me Monikën, por nuk arriti të mbajë as ata që i kishte më 18 shkurt, madje as edhe ata që pretendon se e votuan në zgjedhjet brenda Partisë Demokratike. /CNA.al





Lajmet e fundit nga