web counter
LEXO PA REKLAMA!

SHKARKO APP

App Store
Google Play

Strategjia e BE për Ballkanin Perëndimor/ Njihni tre aktivitetet e rendësishme

27 Janar 2018, 20:55, Aktualitet CNA

Në muajt në vazhdim, Bashkimi Evropian planifikon të ndërmarrë tri aktivitete të rëndësishme në lidhje me Ballkanin Perëndimor e re në perspektivën dhe në përmbajtjen.

Thelbi i strategjisë është që në rastin më të mirë Mali i Zi dhe Serbia të pranohen në Bashkimin Evropian deri në fund të vitit 2025. Por që të ndodhë kjo, Serbia do të duhej të arrinte brenda vitit 2019 ?normalizimin e plotë të marrëdhënieve? me Kosovën, shkruan ndër të tjera ?Zeri.Info?. Dhe më tej vijon:

Në shkurt, BE do të publikojë perspektivën e saj të zgjerimit të besueshëm për Ballkanin Perëndimor.
Në prill BE do të publikojë raporte gjithëpërfshirëse të vendeve për të gjitha vendet e Ballkanit Perëndimor.
Në maj, Samiti i BE-së dhe Ballkanit Perëndimor do të mbahet në Sofje.

Përgatitja do të shtrihet edhe në planifikimin e buxhetit të BE-së 2019-2025, i cili do të përfshijë më shumë programe për zgjerimin dhe ndihmën financiare për vendet kandidate.

Projekti strategjik i etiketon vendet e Ballkanit Perëndimor si partnerë, ?Ballkani Perëndimor është pjesë e Evropës, gjeografikisht e rrethuar nga shtetet anëtare të BE?. Popujt e BE-së dhe të rajonit kanë një trashëgimi të përbashkët, histori dhe një të ardhme të përcaktuar nga mundësitë dhe sfidat e përbashkëta?.

Me gjithë këtë trashëgimi të përbashkët dhe sfidat e përbashkëta, dokumenti përcakton një plan të qartë për vetëm dy vende kandidate, duke deklaruar se Mali i Zi dhe Serbia duhet të jenë gati për anëtarësim deri në vitin 2025.

Dokumenti propozon që katër vendet e tjera Shqipëria, Bosnje Hercegovina, Maqedonia dhe Kosova të përparojë në rrugën e tyre evropiane deri atëherë, thotë raporti i ?Balkans Policy Research Group?, i përcjell nga ?Telegrafi?, ndërsa Kosovë përfshihet  vetëm në kontekstin e dialogut me Serbinë, si një pikë referimi për pranimin e Serbisë./CNA.al





Lajmet e fundit nga