web counter
LEXO PA REKLAMA!

SHKARKO APP

App Store
Google Play

Të gjitha llogaritë/ Bashës nuk i dolën në protestë as votuesit e 22 korrikut

27 Janar 2018, 19:33, Aktualitet CNA

Me 22 korrik, Lulzim Basha u rizgjodh kryetar i Partisë Demokratike me vota të vjedhura.

Në një konferencë për shtyp, zyrtarisht komisioni në atë kohë deklaroi se Basha mori 60 mijë vota, ndërsa Selami rreth 5 mijë vota. Pra 65 mijë anëtarë të PD.

Në fakt me një llogari të thjeshtë rruga e protestuesve të sotëm, nga fillimi deri në fund, është maksimalisht 400 metër.

Duke bërë një llogari, 400 metër gjatësi shumëzim 20 metra gjerësi të bulevardit, në total sipërfaqja i bie të jetë rreth 8 mijë metër katrorë dhe me një llogari të thjeshtë, nëse i japim dendësinë mesatare dy persona për metër katërore del se në total i bie që në protestë të kenë marrë pjesë maksimalisht 16 mijë vetë, duke përfshirë brenda dhe protestuesit LSI-së.

Pra, kjo është llogaria e protestës së sotme.

Nëse Lulzim Basha dhe Eduard Selami kishin marrë 65 mijë vota, sheshi sot duhet të kishte pasur 4-5 herë njerëz më shumë, kjo do të thotë se votuesit e 22 korrikut nuk i kanë vajtur Bashës në protestë.

Pra pjesëmarrja në protestë tregon sesa vota ka marrë vërtetë Lulzim Basha në zgjedhjet për kreun e PD me 22 korrik.

Lulzim Basha ose ka gënjyer dhe manipuluar votat ose sot nuk i kanë shkuar njerëzit në protestë. Një nga të dyja, të tretë nuk ka.

Me një llogari maksimale, protesta e sotme ka pasur 16 mijë vetë në shesh, kjo duke i bërë dhe nder.

Ka marrë 60 mijë vota për tu zgjedhur në krye të PD-së, ndërkohë në shesh nuk i ka pasur kurrë kaq persona, nuk dalin asnjëherë llogaritë.

Edhe sikur Luli të thotë se sot në shesh ishin të pranishëm 20 mijë apo 30 mijë protestues, janë dy ose tre më pak se votat të cilat ka vetëshpallur Lulzim Basha.

Lulzim Basha ose duhet të japë dorëheqjen se ka shkatërruar Partinë Demokratike pas 22 korrikut, ose duhet të pranojë që demokratët nuk e mbështesin./ CNA.al





Lajmet e fundit nga