web counter
LEXO PA REKLAMA!

SHKARKO APP

App Store
Google Play

Virozat stinore/ Pediatria me fluks pacientësh, një i vdekur nga gripi

19 Janar 2018, 17:18, Aktualitet CNA

Virozat stinore, kanë bërë që Shërbimi i Urgjencës në Pediatrinë e QSUT të përballet me një fluks pacientësh, ndonëse sipas specialistes së ISHp-së, gjendja është më mirë se një vit më par.

?Për këtë vit kemi një intensitet të ulët gripi deri tani. Shifrat janë në rritje, por krahasim me një vit më parë që kishim një peshë të rëndë, themi se ky sezon i gripit është më i butë krahasuar me vitin e kaluar?, tha në rubrikën ?Opinion? në ?News24?, Silva Bino.

Duke përmendur dy viruset që qarkullojnë aktualisht në vendin tonë, Bino tha se deri më tani është raportuar vetëm një rast vdekje nga gripi, i cili është rasti i rasti i 7-vjeçares në Durrës, e cila ndërroi jetë në spital. Bino thotë se shenjat klinike që paraqiste vogëlushja nuk të çojnë tek gripi, por tek një infeksion i rëndë.

?Aktualisht kemi qarkullim intensiv të virusit të gripit, krahasuar me dy-tre javë më parë. Aktualisht qarkullojnë viruset B dhe AH1N1. Janë shënuar edhe raste të rënda. Rast vdekje ka patur vetëm një, i cili tashmë është raportuar. Pacienti ka patur probleme të tjera shëndetësore. Ndërsa rasti i vajzës 7-vjeçare është një rast fatkeq, që nuk mund të konstatohet ende nëse është grip apo ndonjë infeksion tjetër. Por shenjat klinike të vajzës nuk të çojnë tek gripi, por duket më shumë si një infeksion i rëndë?, u shpreh Bino. /CNA.al





Lajmet e fundit nga