web counter
LEXO PA REKLAMA!

SHKARKO APP

App Store
Google Play

Dhunimi i qytetit të alfabetit shqip nga maqedonasit/ Reagon Ministria e Jashtme

19 Janar 2018, 15:54, Aktualitet CNA

Ministria e Punëve të Jashtme ka reaguar pas parullave raciste të shkruara në qytetin e alfabetit shqip, Manastir, në Maqedoni.

Me anë të një deklarata për shtyp MPJ ka dënuar sjelljet nga maqedonasit, ku dhunuan qytetin e alfabetit me parullat raciste dhe nxitëse të urrejtjes etnike, si, ?Ligji është ligj?, dhe ?Vdekje për shqiptarët?.

Sipas Ministrisë së Jashtme, këto akte kundër shqiptarëve, cënojnë bashkëjetesën në Maqedoni, ndërsa ka bërë thirrje për gjetjen dhe vënien para drejtësisë të autorëve të shkrimeve në fjalë. Sulmet raciste erdhën pas miratimit të ligjit për avancimin e gjuhës shqipe në nivelin e pushtetit qendror, ndërsa Presidenti Ivanov e riktheu ligjin në Kuvend, duke mos e dekretuar.

Deklarata e plotë: 

Ministria për Evropën dhe Punët e Jashtme të Republikës së Shqipërisë shpreh keqardhjen e saj dhe dënon gjuhën e urrejtjes së përdorur në mbishkrime në hapësira publike në Manastir, në adresë të shqiptarëve. Nuk është hera e parë që Manastiri, qyteti i kongresit historik të gjuhës shqipe dhunohet qëllimisht e në mënyrë të papranueshme nga akte të cilat kërkojnë të mbjellin urrejtje, përçarje e të nxisin tensione mes komuniteteve.

MEPJ u kërkon autoriteteve të Maqedonisë të hetojnë dhe të venë para përgjegjesisë autorët e këtyre sulmeve, të cilat bien ndesh e cënojnë frymën e bashkëjetesës dhe harmonisë në Maqedoni e në gjithë rajonin. ?/CNA.al

Miratimi i gjuhës shqipe në Maqedoni/ Parulla raciste në qytetin e alfabetit shqip





Lajmet e fundit nga