web counter
LEXO PA REKLAMA!

SHKARKO APP

App Store
Google Play

Sekuestrohet 155 kg drogë/ Në pranga shtatë persona

22 Dhjetor 2017, 14:27, Aktualitet CNA

Në kuadër të operacionit të koduar ?Seven?, policia e Vlorës ka bërë të mundur sekuestrimin e një sasie prej 155 kg lëndë narkotike, e dyshuar e llojit kanabis sattiva.

Gjithashtu janë arrestuar edhe shtatë, persona, mes të cilëve edhe organizatori I grupit kriminal Aleksandër Ajaz Kërçanaj.

Operacioni antidrogë është finalizuar në dy fshatra.

Në fshatin Velç, në banesën e shtetasit Tomorr Karçanaj, janë gjetur dhe sekuestruar nga Policia 100 kg lëndë narkotike Cannabis Sativa, në formë pluhuri e cila shërben për përgatitjen e lëndës narkotike në formë çokollate.

Në këtë banesë janë arrestuar në flagrancë punëtorët, me detyrë mirëmbajtjen dhe përgatitjen e lëndës narkotike.

Indrit Binaj, 29 vjeç, banues në Vlorë,

Eriselda Rrënja, 26 vjeçe, banuese në Llakatund,

Vito Gashi, 56 vjeçe, banuese në Shushicë,

Enver Gashi, 28 vjeç, banues në Shushicë,

Xheladin Bushaj, 52 vjeç, banues në Shushicë.

Gjithashtu në fshatin Vllahinë, në një tjetër banesë të shtetasit Tomorr Karçanaj, në një nga mjetet në përdorim të djalit të tij shtetasit Aleksandër Ajazi (Karçanaj), është konstatuar një tjetër sasi lënde narkotike kanabis me peshë 55 kg edhe kjo në formë pluhuri e cila shërben për përgatitjen e lëndës narkotike në formë çokollate.

Policia ka bërë menjëherë arrestimin në flagrancë edhe të atë e bir si organizator dhe bashkëpunëtor:

Aleksandër Ajazi (Karçanaj), 30 vjeç, banues në Vllahinë, (organizator).

Tomorr Karçanaj, 55 vjeç, banues në Vllahinë, (bashkëpuntor).

Policia Vlorë në përfundim të veprimeve hetimore ka bërë :

arrestimin në flagrancë të 7 shtetasve të lartpërmendur,

sekuestrimin në cilësinë e provës materiale të :

– 155 kg lëndë narkotike Cannabis Sativa

– 4 sita që shërbenin për përgatitjen e lëndës narkotike në formë çokollate,

– 2 automjete, tip Mitsubishi e Benz, dhe

– 7 aparate celular.

Materialet hetimore iu referuan Prokurorisë së Vlorës ndaj të lartpërmendurve për veprën penale të ?Prodhimi dhe shitja e narkotikëve e kryer në bashkëpunim?./ CityNews





Lajmet e fundit nga