web counter
LEXO PA REKLAMA!

SHKARKO APP

App Store
Google Play

Befason ish-ministri i Berishës: Rama votoi drejt në OKB

22 Dhjetor 2017, 16:26, Aktualitet CNA

Ish-ministri i Jashtëm gjatë qeverisë Berisha, ka befasuar me deklaratën dhe qëndrimin e tij lidhur me votën e Shqipërisë në Organizatën e Kombeve të Bashkuara, ditën e djeshme, ku votoi pro rezolutës dhe kundër vendimit të Trump, për njohjen e Jerusalemit si kryeqytet të Izraelit.

I ftuar në studion e televizionit News24, Besnik Mustafaj, është shprehur se qëndrimi i Shqipërisë nuk ka ndryshuar dhe se vota në OKB nuk ishte një votë kundër Shteteve të Bashkuara të Amerikës dhe presidentit Trump. Sipas tij, qëndrimi i vendit tonë ishte Pro rezolutës ashtu siç votoi edhe pjesa dërrmuese e vendeve të Bashkimit Europian.

“Nuk është kundër SHBA-ve. Është një rezolutë që buron nga vendimi i Presidentit Trump për zhvendosjen e ambasadës për në Jerusalem. Për shkak të ndjeshmërisë së Jerusalemit si qytet i shenjtë për 3 vetë kryesore, OKB ndërmori hapin për këtë rezolutë për të mos ndezur gjakrat.”, – tha Mustafaj. Më tej ish-ministri u shpreh se “në 2005 është vendosur një standard se ne në organizatat ndërkombëtare e kemi pasur dhe do ta kishim një qëndrim të pandryshueshëm, se do të votonim gjithmonë pro BE. Edhe Basha duhet ta dijë këtë, besoj se edhe ai e ka bërë. Shqipëria këtë bëri votoi si pjesa dërrmuese e vendeve të BE.” /CityNews





Lajmet e fundit nga