Udhëtimi i Bashës drejt “thesarit” dhe përdhosja e simboleve të PD-së

16 Dhjetor 2017, 19:54, Aktualitet CNA

Dje në media u raportua një foto e kryetarit të PD, Lulzim Basha, i cili udhëtonte me tren dhe sipas raportimeve të para u tha se ai po shkonte drejt Edinburgut, kryeqytetit të Skocisë.

Partia Demokratike nëpërmjet një njoftimi për mediat, sot e mohoi këtë fakt dhe tha se Basha ndodhej në Angli për një vizitë zyrtare.

Në të dyja rastet, cilido të jetë argumenti, Basha është i zhytur edhe këtë herë, gati i kapur në skandal.

Në Edinburg, aty ku u tha fillimisht se po shkonte Lulzimi, ka qendren kompania që Lulzim Basha përdori për pagesat e lobimit në SHBA. Nga investigimi i publikuar disa javë më parë, kompania ?Barnes & Thornburg?, që funksionin nëpërmjet parajsave fiskale ka adresën e saj zyrtare të regjistruar në Edinburg.

Pra Basha, ndoshta bashkë me bashkëshorten e tij po shkonte drejt Edinburgut, në fakt ndoshta drejt ?thesarit? të tij.

E në rast se versioni i parë bie sepse kështu thotë PD-ja, i dyti i përdorur si justifikim është edhe më problematik se i pari.

Luli fotografohet në Londër, ku shkon në një vizitë zyrtare me bashkëshorten e tij, a thua se kjo e fundit është nënkryetarja apo deputete e PD-së, megjithëse në Londër nuk i mungon as Agron Shehaj, deputeti i Vlorës, i cili me shumë gjasa ka paguar shpenzimet.

Basha shkon në Angli me gruan dhe Gonin, a thua se PD nuk ka nënkryetar dhe sekretar të përgjithshëm. Për të kaluar radhën zhvillon dhe një takim me strukturat e PD-së aty, një takim i cili është një tjetër skandal me vete, ku përdhoset, duke u kthyer me kokë poshtë pasi është kthyer në një leckë për të fshirë çimenton flamuri i Partisë Demokratike.

Dihet urrejtja e Bashës ndaj imazhit zyrtar të PD, këtë e reflektoi edhe në Londër, ku shkoi si turist dhe braktisi PD-në për gati një javë në një moment mjaft kritik për vendin. Shëtitës në Londër a Edinburg, kthehet në Shqipëri dhe më pas kapet pas fustanit të Monikës dhe kujton se me LSI-në mund të ringrejë imazhin e tij të rrënuar në PD.

Vizita, sido që të trajtohet, nuk është gjë tjetër veçse një dështim i radhës që tregon se Lulit ja kanë mbyllur derën kudo, aq keq sa kryetari i PD-së, me pasuri 2 miliard lekë, udhëton me tren me bashkëshorten e tij, si disa javë më parë kur dilte në foto duke ngrënë pica.

Edhe nga Londra, Luli tregon mentalitetin e tij komunist duke u sjellë si proletar me pica dhe trena, a thua se ju mbaruan lekët e mandateve të shitura në zgjedhjet e 25 qershorit.

Tani nuk i ka ngelë gjë tjetër, PD-në e ka kthyer në parti familjare, shkon nga skandali në skandal, përdhos dhe shet imazhin zyrtar.

Në PD, në vend të nënkryetarit dhe sekretarit të përgjithshëm ka më shumë peshë gruaja dhe kunati, ?dashuria? me Monikën, sektin më të korruptuar politik në Shqipëri dhe pazaret nën rrogoz me Edi Ramën. Janë të gjitha produkte të Lulzimit, thjeshtë dhe vetëm ti ndërrojë emrin dhe ta regjistrojë në off-shore, si pronë të familjes dhe biznes personal./ CityNews