web counter
LEXO PA REKLAMA!

SHKARKO APP

App Store
Google Play

Zhduket në Valbonë punëtori i mirëmbajtjes së rrugëve

16 Dhjetor 2017, 19:48, Aktualitet CNA

Një burrë është zhdukur këtë të shtunë në Tropojë. Sipas hetimeve paraprake të Policisë dyshohet se ai ka rënë në ujrat e lumit Valbonë.

Rreth orës 12.50?, një telefonatë dha alarmin në Sallën operative të Komisariatit të Policisë Tropojë, duke njoftuar se në fshatin Valbonë afër ish-turizmit të Valbonës, dyshohet të jetë mbytur në lumë G.Z..

Në vendngjarje ka shkuar grupi hetimor, ku nga hetimet paraprake rezulton se G.Z., 35 vjeç, banues në Tropojë, punëtor i firmës së mirëmbajtjes së rrugës, duke punuar në breg të lumit Valbonë, gjatë pushimit të  drekës, ka shkuar për të mbushur ujë në afërsi të lumit dhe nuk është kthyer më.

Në afërsi të burimit, është gjetur jeleku i punës që ai mbante veshur. Shtetasi G.Z., dyshohet të ketë rënë në lumë, bëjnë me dije burimet zyrtare të Policisë.

Në bashkëpunim me banorët e fshatit, policia ka vijuar kërkimet për gjetjen e tij, nga ora 13:30 deri në orën 17:30, ku për shkak të errësirës, janë ndërprerë kërkimet për ti rifilluar në orët e para të mëngjesit, njofton Policia.





Lajmet e fundit nga