Harrojeni Suden, ja ku po e lënë njerëzit shtëpinë tani!

16 Dhjetor 2017, 19:32, Aktualitet CNA

Me siguri keni dëgjuar për fenomenin ndërkombetar të quajtur Bitcoin që së fundmi ka marrë përmasat e një çmendurie kolektive duke e çuar vlerën e një monedhe të vetme në mbi 18500 dollar amerikan (vlera e sotme, 16 Dhjetor 2017).Por çfarë është Bitcoin dhe pse vlerësohet kaq shumë?Bitcoin është një monedhë tërësisht elektronike dhe e pa kontrolluar nga bankat. Kjo do të thotë se komisionet për transferta janë shumë të ulëta dhe se llogaria juaj Bitcoin nuk mund të bllokohet apo kontrollohet nga autoritetet shtetërore.Bitcoin është mbështetur nga disa personalitete të njohura si Bill Gates, Al Gore, Ashton Kutcher, por edhe është cilesuar si spekulim nga disa të tjerë si Warren buffet. Kina dhe Rusia gjithashtu kanë paralajmëruar se kjo monedhë mund të ketë probleme në të ardhmen, ndërsa SHBA dhe BE nuk kanë ende një qendrim të qartë.Si funksionon Bitcoin?Sikundër përmendëm më sipër, Bitcoin është një monedhë tërësisht elektronike dhe si rrjedhojë ajo mbahet ne një “portofol” virtual (e-wallet). Në këtë portofol i cili aksesohet nëpërmjet adresës tuaj email dhe një password-i, ju keni gjendjen tuaj Bitcoin dhe në çdo moment mund të merrni dhe dërgoni Bitcoin. Ju gjithashtu mund t’i konvertoni monedhat tuaja elektronike në Dollar ose Euro, por edhe mund të blini mallra apo shërbime në ato dyqane që pranojnë Bitcoin. Për shembull, në Japoni mbi 50% e dyqaneve pranojnë Bitcoin.Çfarë e bën të veçantë Bitcoin-in nga monedha të tjera virtuale?Bitcoin nuk kontrollohet nga një autoritet i vetëm, por nga i gjithë rrjeti që e disponon atë. Çdo transaksion që ndodh midis monedhave Bitcoin verifikohet nga i gjithë rrjeti njëkohësisht duke e bërë kështu transaksionin të vlefshëm. Gjithashtu ky transaksion publikohet në mënyrë transparente në një listë të aksesueshme nga të gjithë. Kjo e bën Bitcoin një monedhë të pafalsifikueshme. Bitcoin gjithashtu, ndryshe nga paraja që kemi sot në qarkullim, do të ketë një numër të fundëm (21 milion). Për këtë arsye, monedhat Bitcoin nuk pësojnë inflacion.Cila është e ardhmja e Bitcoin?E ardhmja e Bitcoin është ende e paqartë për këdo, por nëse gjërat ecin mirë, vlera finale e kësaj monedhe mund të shkojë nga 500 mijë deri në 1 milion Dollar Amerikan. Nëse gjërat ecin keq, do të kemi një flluckë të ngjashme me atë të vitit 1998 (DotCom Bubble) apo atë të vitit 2008 (Real Estate Bubble). Në rast se kjo ndodh, Bitcoin do të kthehet në vlerat e para 1 viti (600-700 Dollar) ose akoma më keq, do të zhduket fare për shkak të humbjes së besueshmërisë. Gjithsesi, për ata që kanë investuar në Bitcoin ose po mendojnë të investojnë në Bitcoin, ka edhe lajme të mira. Së pari, para pak ditësh, Bitcoin u pranua të tregtohej në Chicago Board Options Exchange dhe me datë 18 Dhjetor do të filloj të tregtohet në Chicago Mercantile Exchange. Këto lajme pozitive e kanë rritur mjaft vlerën e Bitcoin këto ditë duke e çuar tashmë në mbi 18500 Dollar./CityNews