E fundit!

20:38 Aktualitet

Përballë Nokës për postin e Sekretarit të Përgjithshëm të PD-së/ Korreshi: Ja kur e mora vendimin për të garuar

Deputeti Saimir Korreshi është vendosur përballë Flamur No...

Ka fshehur krimin/ A do të ndiqet penalisht ish-ministri i kabinetit Rama

16 Dhjetor 2017, 17:13, Aktualitet CNA

Ka qenë në dijeni të pranisë së një krimi me pasojë jetën e popullsisë dhe ka heshtur. Nuk ka marrë asnjë masë për ta ndalur, për të shpëtuar jetët e rrezikuara, megjithse dikasteri që ai drejtonte këtë detyrë e ka patur prioritet.

Në të kundërt të moskryerjes së detyrës funksionale ish ministri i kabinetit Rama -1 nuk ka ngurruar aspak që ti japë qindra hektarë tokë, Klement Balilit, të njohurit si trafikanti më i madh i drogës në gadishullin e Ballkanit.

Pra, nuk ka bërë detyrën funksionale, duke lejuar tregtimin e një produkti të infektuar, që konsumohet masivisht, duke sjellë pasoja për jetët e miliona shqiptarëve, dhe i ka dhenë në rrugë abusive sipërfaqe tokash familjes së ?Eskobarit të Ballkanit?.

Fjala është për ish ministrin e Bujqësisë, Edmond Panariti, përfaqësues i LSI-së në qeverinë Rama-1, i cili ka vetëdenoncuar faktin tronditës. Sipas të cilit qumështi vendas ka përmbajtje të lartë të substancave kancerogjene ?Aflatoksinë.

Denocimi i bërë nga ish ministri nën okelion ?Megaskandal?, erdhi pas një raporti të dalë nga studimi i fundit i ?Albanian Food Industry?(AFI) që, krahas të tjerave, thekson se gjysma e mostrave të qumështit vendas të analizuara tregojnë praninë e ?Aflatoksinës?.

Një substancë kjo që, sipas postimit të mesazhit të ish-ministrit të Bujqësisë, Edmond Panariti, në rrjetet sociale, është kancerogjene dhe me pasoja të rrezikshme për konsumatorin.

Studimi bën fjalë për periudhën e viteve kur Panariti ishte ministër dhe kontrollonte e menaxhonte punët në bujqësi-blegtorinë shqiptare, çka e bën atë përgjegjës për një realitet të tillë vrastar ndaj popullsisë konsumatore e rregullt e qumështit ?bio?.

Pasja dijeni e një fakti të tillë dhe heshtja e derisotme e ish ministrit përben vepër penale. Në gjuhën e jurisprudencës ajo quhet ?fshehje me koshiencë e krimit?. Madje jo e një krimi dosido por e një të tilli që ka sjellë pasoja për shëndetin e një numuri të tejkaluar konsumatorësh, pjesë të të cilëve, kush e di të thotë ekzaktësisht se, për këtë arsye: mund edhe të kenë ndërruar jetë.

Pra, e përsërisim: bëhet fjalë për fshehjen e një krimi me pasoja masive ende të pazbardhura, gjë që e detyron organin e Prokurorisë të nisë menjëherë hetimet kryesisht për të zbardhur të vërtetën e këtij akti të paprecedentë.

Mirëpo a është qumështi i infektuar me lëndën kancerogjene ?Aflatoksinë? i vetmi mëkat i kohës kur dikasterin e Bujqësisë e drejtonte balli i LSI-stëve Edmond Panariti ?

Burime të CityNews, nga ky dikaster, thonë se disponojnë fakte që tregojnë të njejtën situatë skandaloze edhe në tregtimin e mishit etj., produkteve ushqimore./CityNews