web counter
LEXO PA REKLAMA!

SHKARKO APP

App Store
Google Play

Patozi braktis show-n e Bashës

11 Dhjetor 2017, 17:05, Aktualitet CNA

Astrit Patozi, ish-nënkryetari i Partisë Demokratike, ka zgjedhur që të mos jetë pjesë në organizimin festiv me rastin e 27-vjetorit të themelimit të partisë më të madhe opozitare në vend.

Burime të Citynews.al, bëjnë me dije se Astrit patozi e ka quajtur si show të Lulzim Bashës, e kësisoj refuzon që të bëhet pjesë e tij. Ai u shpreh pak më herët në një postim në rrjetet sociale se, “Partia Demokratike po vuan sot pasojat dramatike të drejtimit të gabuar, që e ka larguar atë shumë prej misionit dhe traditës së vet, duke e shndërruar me shpejtësi në një forcë politike të pafuqishme, të vjetëruar dhe që nuk frymëzon më askënd.”, ndërsa shtoi se, “Lidershipi i Lulzim Bashës i ka shkatërruar gati plotësisht të gjitha kolonat kryesore, që mbajnë në këmbë dhe të karikuar një parti politike moderne.”

Kujtojmë se Luli, i tmerruar nga gjendja në të cilën ndodhet Partia Demokratike dhe frika për pjesëmarrjen, u ka dërguar ftesa të gjithë anëtarësisë. Edhe pse në “Pallatin e kongreseve” nuk mund të zënë vend më shumë se 3 mijë persona, sërish Basha ka ftuar rreth 120 mijë anëtarë të PD-së.

Mesazhi i Lulzim Bashës drejtuar anëtarëve të PD:

?Pershendetje. Diten e hene, dt. 11 dhjetor, ora 17.30, ne Pallatin e Kongreseve, festohet 27 vjetori i themelimit te Partise Demokratike te Shqiperise. Kerkohet pjesemarrje e te gjithe kryesise se Deges (porosi nga Sekretariatet ne PDSh). Ju lutem lajmeroni per pjesemarrje dhe anetaresine ne seksionet tuaj. Faleminderit?. /CityNews





Lajmet e fundit nga