web counter
LEXO PA REKLAMA!

SHKARKO APP

App Store
Google Play

E fundit!

x

Qeveria shpenzoi 85 mln$ për rrugët/ Aksi Elbasan-Tiranë i pakalueshëm

10 Dhjetor 2017, 14:02, Aktualitet CNA

Pas raportit të publikuar nga gazeta ?Shqiptarja.com?  lidhur me mbarvajtajen e rrugëve, fatura e së cilës arrinte deri në 85 milionë dollarë, problemet vijojnë të jenë prezente nga Jugu në Veri.

Pas rrëshqitjes së dherave në aksin Elbasan-Tiranë dhe problemeve që u shkaktuan, drejtori i ARRSH, Afrim Qendro, në një komunikatë për shtyp është shprehur se projekti i Bankës Botërore ka një pjesë të caktuar të rrugëve në Shqipëri, ndërsa mohoi dijeninë për abuzime financiare.

?Mirëmbajtja e rrugëve është një proces normal inxhinierik. Projekti i Bankës Botërore ka një pjesë të caktuar të rrugëve në Shqipëri, jo të gjithë, është e ndarë me lote dhe unë nuk di të ketë ndonjë abuzim financiar. Megjithatë do ta verifikojmë. Përsa i përket kostos së rehabilitimit të kësaj rrëshqitje në rrugën Tiranë-Elbasan do të dalë me projektin dhe preventivin, unë nuk mund të jap apriori se sa kushton kjo? deklaroi Qendro.

Referuar dokumentit të publikuar nga ?Shqiptarja.com?, mësohet se janë jo pak, por 84.6 milionë euro me TVSH tenderat që kanë fituar disa firma ndërtimi për të mirëmbajtur katër segmentet kryesore rrugore të vendit, nga Veriu në Jug, nga Lindja në Perëndim.

Këto para? janë ofruar nga Banka Ndërkombëtare për Rindërtim dhe Zhvillim (IBRD), degë e Bankës Botërore dhe mbulojnë një periudhë 5-vjeçare, gjatë së cilës kompanitë kontraktore duhet të rikostruktojnë dhe mirëmbajnë praktikisht rrjetin rrugor kombëtar. Dhe nuk është fjala për pastrimin nga bora, që e kryejë kompani të tjera, të cilat janë kontraktuar për dimrin. /CityNews

 





Lajmet e fundit nga