Dita Ndërkombëtare e të Drejtave të Njeriut/ Reagon ministri Bushati

10 Dhjetor 2017, 13:00, Aktualitet CNA

Në kuadër të Ditës Ndërkombëtare të të Drejatve të Njeriut, ka reaguar dhe ministri për Evropën dhe Punët e Jashtme, Ditmir Bushati.

Bushati u shpreh se vështirësitë ekonomike apo ritmet e zhvillimeve ndërkombëtare vazhdojnë të venë në sprovë shkallën e mbrojtjes dhe respektimin e të drejtave themelore të njeriut, të cilët e kanë paguar me përpjekjet e mëdha që kanë bërë për të rikthyer demokracinë në vend.

?Sfidat e ndryshme, së pari ato në fushën e sigurisë, vështirësitë ekonomike apo ritmet e zhvillimeve ndërkombëtare vazhdojnë të venë në sprovë shkallën e mbrojtjes dhe respektimin e të drejtave themelore të njeriut. Çmimi që shoqëritë kanë paguar dhe përpjekjet e mëdha për liri dhe demokraci nuk duhet të lejojnë asnjë erozion të të ?drejtave të individit. Historia ka treguar se kudo, paqja, stabiliteti dhe prosperiteti ekonomik garantohen realisht vetëm nga demokracia, sundimi i ligjit dhe respektimi i plotë i të drejtave të njeriut.?

Më tej Bushati është shprehur se zbatimi I përpiktë I reformës në drejtësi do të garantoj një mbështetje më të lartë të të drejtave dhe lirive themelore të njeriut.

?Pikërisht këtë synojmë të arrijmë edhe në Shqipëri: zbatimi i reformës së thellë në drejtësi do të garantojë një shkallë më të lartë të zbatimit të shtetit ligjor por edhe të mbrojtjes së të drejtave e lirive në vend. Po ashtu, miratimi së fundmi nga Kuvendi i Shqipërisë i ligjit për të drejtat e pakicave kombëtare përbën një nga insturmentet më të avancuar në këtë fushë në hapësirën evropaine?.

Në përfundim ministri është shprehur se Shqipëria do jetë gjithnjë e përkushtuar për të garantuar të drejtat dhe liritë themelore të njeriut në shoqëri.

?Këtë vit Shqipëria mbylli me sukses mandatin e saj të parë si anëtar i Këshillit të të Drejtave të Njeriut të OKB-së, gjatë të cilit kontribuoi, se bashku me vendet partnere për të nxitur e mbrojtur të drejtat dhe liritë themelore të njeriut në botë.

Shqipëria do të mbetet e përkushtuar për mbrojtjen e të drejtave të njeriut, duke përmirësuar instrumentat që garantojnë të drejtat dhe liritë shoqërore e individuale.? /CityNews