web counter
LEXO PA REKLAMA!

SHKARKO APP

App Store
Google Play

E fundit!

x

Bien alibitë e PD-LSI/ Kryeprokurori i ri asnjë rol mbi dosjet e krimit dhe korrupsionit

10 Dhjetor 2017, 12:21, Aktualitet CNA

Alibitë e Partisë Demokratike dhe Lëvizjes Socialiste për Integrim sa i takon kryeprokurorit të përkohshëm kanë rënë. Basha e Kryemadhi kanë luftuar fort për të mbajtur në detyrë Adriatik Llallën, me argumentin se mazhoranca do të emërojë një kryeprokuror për të mbyllur dosjet e korrupsionit, krimit dhe aferave të ministrave e deputetëve.

Por sa qëndrojnë këto akuza?

Në ligjin për prokurorinë janë të përcaktuara qartë kompetencat e kryeprokurorit aktual. Emri i përkohshëm do të ketë të njëjtat kompetenca që kishte Llalla. Kjo do të thotë se ai nuk do të ketë asnjë kompetencë të emërojë, shkarkojë, apo të transferojë prokurorë. E vetmja kompetencë është ajo e komandimit, në rastet kur ka vende vakante prokurorësh.

Ndërkohë, sa i takon përcaktimeve në Kodin e Procedurës Penale, aty thuhet qartë se Prokuroria e Përgjithshme nuk merret më me hetime zyrtarësh, kompetencë që kishte deri më sot.

Që pas 1 gushtit kur hyri në fuqi kodi, kjo kompetencë i ka kaluar Prokurorisë së Krimeve të Rënda.

Po ashtu çdo akuzë që ngrihet ndaj ministrave, deputetëve dhe zyrtarëve të tjerë për korrupsion, është kjo prokurori që kryen hetime dhe jo Prokuroria e Përgjithshme.

Të gjithë prokurorët e kanë të ndalur të pranojnë udhëzime, apo urdhra nga krerët e tyre. Secili ka përgjegjësi individuale në hetime dhe nëse ata e zbatojnë si duhet ligjin, ndikimi i kryeprokurorit të ri do të jetë zero. ?Pra kjo e vërteton se qëllimi i PD-LSI për të mbajtur Llallën në detyrë, nuk është se mund të mbyllen dosje korrupsioni e krimi, por PD e LSI humbasin ndikimin në drejtësi dhe organin e akuzës. PD përmend rastin Tahiri.”- shkruan gazeta “Sot”.

Por hetimet kryhen nga Prokuroria e Krimeve të Rënda dhe kryeprokurori nuk mund të ndikojë aspak te 3 prokurorët që merren me rastin, sipas përcaktimeve në ligj.





Lajmet e fundit nga