web counter
LEXO PA REKLAMA!

SHKARKO APP

App Store
Google Play

E fundit!

x

Ligji i pronave/ Ish-presidenti zbulon skandalin

10 Dhjetor 2017, 13:07, Aktualitet CNA

Në ditën ndërkombëtare të të Drejtave të Njeriut, ka reaguar edhe ish-presidenti Bujar Nishani.

Në një postim në rrjetet sociale, Nishani shkruan se ?Sot në ditën botërore të lirive dhe të drejtave themelore të njeriut, Shqipëria ka bërë shumë hapa pas, për fat të keq ! Një prej këtyre të drejtave tashmë të dhunuara është ajo e pronës?.

Ish-presidenti thekson se e drejta e pronës, nga një e drejtë themelore e garantuar me ligj, është zëvëndësuar me një mekanizëm shtetëror që shkel parimin e sigurisë juridike, parimin e barazisë ligjore, mosdiskriminimit si dhe të drejtat e pronës.

Sipas Nishani, ky skandal i përmasave të mëdha nuk do mund të harrohet lehtë.

?Por ai bën me turp autoritetet më të larta të drejtësisë shqiptare dhe kompromenton seriozitetin e individëve të përfshirë në opinionin e Venecias.?- shkruan Nishani në postimin e tij.

Postimi i plotë:

“Where, after all, do universal human rights begin? In small places, close to home — so close and so small that they cannot be seen on any maps of the World. […] Unless these rights have meaning there, they have little meaning anywhere. Without concerted citizen action to uphold them close to home, we shall look in vain for progress in the larger world.” Eleanor Roosevelt

Sot në ditën botërore të lirive dhe të drejtave themelore të njeriut, Shqipëria ka bërë shumë hapa pas, për fat të keq !
Një prej këtyre të drejtave tashmë të dhunuara është ajo e pronës, duke e zëvendësuar atë nga një e drejtë themelore e garantuar me ligj, me një mekanizëm shtetëror që shkel parimin e sigurisë juridike, parimin e barazisë ligjore, mosdiskriminimit si dhe të drejtat e pronës, duke dhunuar kështu nenin 6/1 të Konventës dhe nenin 1 të Protokollit 1 të Konventës të Këshillit të Evropës.

E drejta e pronës në Shqipëri tani gjykohet sipas një ligji, vlerësimi për të cilin nga Komisioni i Venecias është bërë mbi një version të fallcifikuar, dërguar nga institucionet e Shtetit Shqiptar. Ky skandal i përmasave të mëdha nuk do mund të harrohet lehtë. Por ai bën me turp autoritetet më të larta të drejtësisë shqiptare dhe kompromenton seriozitetin e individëve të përfshirë në opinionin e Venecias./ CityNews





Lajmet e fundit nga