web counter
LEXO PA REKLAMA!

SHKARKO APP

App Store
Google Play

E fundit!

x

PD fsheh protestën e të rinjve demokratë/ Braktisën sallën kur foli Basha

10 Dhjetor 2017, 19:34, Aktualitet CNA

Lulzim Basha bojkotohet dhe braktiset nga të rinjtë gjatë aktiviteteve të zhvilluara për 8 dhjetorin ditën e Rinisë. Në aktivitet ka pasur një  largim masiv të të rinjve kur fjalën e ka marrë Lulzim Basha. Më shumë se 30% e të rinjve kanë braktisur sallën.

Më 8 dhjetor, ora 10:00, në qytet Studenti, FRPD ka organizuar një ceremoni përkujtimore me rastin e ditës së Rinisë dhe fillimit të protestave të studentëve që sollën më pas shembjen e sistemit komunist në Shqipëri.

Në aktivitetin e organizuar nga FRPD folën disa të ftuar, protagonist të atyre ngjarjeve dhe jo vetëm. Aktiviteti u hap nga kreu i FRPD Belind Këlliçi dhe u pasua nga fjala e ish-kryeministrit Sali Berisha e pritur me entuziazëm në sallë. Më pas folën, Arben Sulo student i dhjetorit, Patrick Voller Sekretari për Marrëdhëniet me Jashtë në Partinë Popullore Europiane, Walter Glos drejtues i fondacionit Konrad Adenauer Stiftung në Shqipëri.

Por një fakt shumë i rëndësishëm është mbajtur larg medieve, burime për CityNews, thanë se kur Basha ka marrë fjalën, 30% e të rinjve kanë lënë sallën, në shenjë proteste kundër kryetarit të PD. FRPD ka pasur përplasje të forta dhe ka qëndruar ashpër ndaj Lulzim Bashës jo vetëm për listat e kandidatëve, por edhe përplasjeve që nxiten në organizatën partnere të të rinjve demokratë nga familjarët e Lulzim Bashës, nëpërmjet disa veglave të tyre me apo pa pagesë.

Skandali i protestës së të rinjve të cilët braktisën sallën  është mbajtur larg medieve dhe tashmë nëpërmjet regjive të vetë partisë është e lehtë të çensurosh atë çfarë ndodh realisht në sallë. /CityNews





Lajmet e fundit nga