web counter
LEXO PA REKLAMA!

SHKARKO APP

App Store
Google Play

E fundit!

x

Vetëm në nëntor Greqia dëboi 1009 shqiptarë

10 Dhjetor 2017, 17:26, Aktualitet CNA

Policia kombëtare greke publikoi shifra dhe fakte nga veprimtaria e saj në muajin nëntor. Ndër këto shifra na bëri përshtypje që nga 1681 të huaj të dëbuar nga Greqia vetëm gjatë muajit nëntor, 1009 prej tyre (vendi i parë) janë shqiptarë. Në vend të dytë janë pakistanezët me 185 persona dhe në të tretin irakenët me 76 persona. Rekord turpi, që t?ia kalojmë pakistanezëve dhe irakenëve.

Një fakt i tillë tregon dëshpërimin e pafund të shqiptarëve të mjerë, që ende nuk po e shohin Atdheun të rilindë sipas premtimeve të kryeministrit Edvin! Greqia, që prej 8-9 vitesh është në krizë të thellë ekonomike, ende mbetet tërheqëse për shqiptarët për të qëndruar e punuar ilegalisht në të. Shtetasit shqiptarë për 90 ditë në 180 ditë mund të qëndrojnë legalisht në Greqi, kështu që të dëbuarit i përkasin kategorisë së personave, që kanë qëndruar mbi 90 ditë kryesisht për të punuar në të zezë si edhe personave, që për shkak të problemeve me drejtësinë greke, u ndalohet hyrja në Greqi.

Është me të vërtetë e rëndë, që pas 27 vitesh pluralizëm, pas liberalizimit të vizave 7 vite më parë, përsëri shqiptarët të synojnë të shkojnë e qëndrojnë ilegalisht në Greqi. Sot Greqia për shkak të krizës së rëndë e të strërzgjatur ekonomike është vendi më i varfër i BE-së (madje më i varfër se Irlanda dhe në disa aspekte më i varfër se vende të tilla ish komuniste apo ish republika të BS-së si Rumania, Bullgari dhe Lituania). Mjerimi dhe mungesa e besimit në rilindjen e Shqipërisë i detyron akoma shqiptarët të hyjnë e rrinë ilegalisht edhe në ?bishtin? e BE-së të quajtur Greqi! /Gjergji Thanasi /CityNews





Lajmet e fundit nga