web counter
LEXO PA REKLAMA!

SHKARKO APP

App Store
Google Play

Droga në Durrës/ Policia dhe dogana të implikuara

10 Dhjetor 2017, 17:16, Aktualitet CNA

Hetimet e Krimeve të Rënda kanë arritur të zbërthejnë grupin e trafikimit të 2.5 ton kanabis të kapur në muajin janar në Portin e Durrësit.
Bëhet fjalë për zbulimin e 12 personave të arrestuar nga policia, roli i të cilëve mësohet ketë dalë nga hetimi i grupit të Krimeve të Rënda.

Nga hetimet e kryera rezulton se, i përfshirë në këtë grup trafikantësh qëndron nënkomisari i policisë Festim Lelaj dhe shtetasi Euron Hoti, të cilët sipas hetimeve të kryera rezultuan se ishin në krye të grupit.

Nga informacionet bëhet e ditur se, mosprekja e drogës sigurohej nga oficeri i policisë.
Ndërkohë, Hoti kishte siguruar dy kamionë me lëndë drusore me qëllim transportin drejt Gjermanisë, aty ku ishte dhe destinacioni përfundimtar i drogës.

Personi i cili priste lëndën narkotike ishte pikërisht Hoti, i cili mbante edhe një emër tjetër atë të Artan Abasit, i cili përdorte një pasaportë të falsifikuar angleze dhe ndërkohë hiqej si shtetas kosovar.

Ndërkohë, policia ka konsideruar si pjesë të grupit dy efektivë të policisë në Portin e Durrësit, shtetasit me inicialet Gëzim Dervishi dhe Agron Kapllanaj si edhe dy doganierët me inicialet Altin Katundi dhe Mikail Hila të cilët sipas policisë mendohet të kenë neglizhuar me detyrën duke bërë të mundur kalimin e drogës.

Ndërsa Skënder Siceqa dhe Aurel Lazaj dyshohet se kanë trafikuar një tjetër ngarkesë që po i njëjti grup ka kaluar nga Porti i Vlorës në vitin 2014. Ndërsa mësohet se, dy të arrestuarit e tjerë Arbi Mustafa dhe Malton Lleshi dyshohet se kanë siguruar lëndën narkotike, në zonën e Vlorës. /CityNews





Lajmet e fundit nga