E fundit!

13:19 Aktualitet

Braho “shuplakë” politikës: Më vjen mirë që SPAK është i papëlqyer nga të dyja kahet

Kreu i SPAK, Klodjan Braho i ka dhënë një shuplakë politik...

Protestë se nuk merreshin në punë nga kompania/ Policia procedon penalisht 13 persona

10 Dhjetor 2017, 17:39, Aktualitet CNA

Mos lejimi i udhëtimit të qytetarëve nga Dibra drejt Tiranës dhe Durrësit nga një grup protestuesish, që janë drejtues të fugonëve të pa licensuar për të kryer këtë shërbim ka bërë që policia të ndërhyjë dhe ndjekë penalisht 13 persona.

Ndonëse protesta e tyre ishte paralajmëruar në polici, sërish, ata kanë penguar lëvizjen normale të qytetarëve drejt kryeqytetit dhe Durrësit, çka ka sjellë ndërhyrjen e autoriteteve.

Në njoftimin e policisë thuhet se, “Gjatë kësaj proteste, drejtuesit e mjeteve të pa liçensuar, kanë kryer veprime në kundërshtim me ligjin duke penguar shoferët e linjës së liçensuar, si dhe kanë penguar pasagjerët që do të udhëtonin në drejtim të Tiranës dhe Durrësit.

Policia iu ka bërë të ditur protestuesve të protestonin në mënyrë të ligjshme, pa penguar dhe pa cënuar rendin dhe qetësinë publike duke iu bërë me dije edhe pasojat ligjore të Kodit Penal.”

Në vijim policia thotë:

“Subjekti A… sh.p.k ka bërë kallëzim pranë Policisë Gjyqësore të Komisariati të Policisë Dibër.

Si rezultat i kësaj situate nga ana e Komisariatit të Policisë Dibër më datë 10.12.2017 është organizuar shërbim tek terminali Peshkopi kur fillon lëvizja e këtyre automjeteve të Tiranës dhe Durrësit.

Aty kanë qenë grumbulluar shoferët që protestonin të cilëve fillimisht iu është bërë e ditur që të mos pengojnë levizjen e automjeteve dhe pasagjerëve.

Në prani të forcave të policisë, drejtuesit e mjeteve kanë rrethuar një furgon të subjektit të liçensuar dhe nuk lejonin pasagjerët të hipnin në të.

Në këto kushte forcat e policisë kanë ndërhyrë për të neutralizuar personat kryesore që nxitnin turmën duke bërë shoqërimin e shtetasve A. K., E. K. dhe M. K.

Në përfundim të veprimeve të para hetimore të kryera në bashkëpunim edhe me Prokurorinë Dibër u proceduan penalisht shtetasit:
– A. K, 53 vjeç, banues në Kandër Kastriot.
– H.B, 40 vjeç, banues në Peshkopi.
– A.K, 59 vjeç, banues në Shupenzë.
– Xh.M, 48 vjeç. banues në Peshkopi.
– N.K, 48 vjeç banues në Kandër, Kastriot.
– L.E, 37 vjeç banues në Peshkopi.
– A.B, 34 vjeç banues në Peshkopi.
– A.K, 46 vjeç banues në Fushë Alie.
– E.K, 23 vjeç, banues në Kandër Kastriot.
– M.K, 29 vjeç banues në Kandër Kastriot.
– H.K, 64 vjeç, banues në Kandër Kastriot.
– A.M, 45 vjeç, banues në Maqellarë.
– E.R, 26 vjeç, banues në Peshkopi.

Procedimi i tyre filloi për veprat penale të “Vetëgjyqesisë”, “Prishja e qetësisë publike” dhe “Mosbindjes ndaj urdhrave të punonjësve të policisë”, të parashikuara nga nenet 277, 279 dhe 242 të Kodit Penal.” /CityNews