E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Marrëveshja e Demarkacionit që po mban peng Kosovën

10 Dhjetor 2017, 17:47, Aktualitet CNA

Pamundësia që Kuvendi i Kosovës ta ratifikojë Marrëveshjen për kufirin (Demarkacionin) ndërmjet Kosovës dhe Malit të Zi, po i mban edhe më tej qytetarët e Kosovës të izoluar.

Qëndrimi zyrtar i Bashkimit Evropian është që Kosova nuk mund ta marrë liberalizimin e vizave derisa ta ratifikojë Marrëveshjen për demarkacion dhe derisa nuk arrin rezultate të prekshme në luftë kundër korrupsionit.

Gjykuar nga të dhenat e mediave kosovare dhe të dhenave zyrtare mësohet se tema për Demarkacionin po vazhdon që nga viti 2015, kur edhe ishte arritur marrëveshja për këtë çështje. Një pjesë e deputetëve të Kuvendit të Kosovës thonë se me këtë marrëveshje Kosova ka humbur territor prej 8 mijë hektarësh, ndërkohë që të tjerët konsiderojnë se Marrëveshja për demarkacionin është bërë në mënyrë të duhur dhe se ajo duhet të ratifikohet. Marrëveshjen e kanë mbështetur Shtetet e Bashkuara të Amerikës dhe Bashkimi Evropian.

Qeveria e Kosovës të martën e ka proceduar këtë marrëveshje Kuvendit të Kosovës, por duke ia bashkangjitur edhe raportin e Komisionit të ri Shtetëror për Shënjimin e Kufirit, e cila ka konstatuar që, megjithatë, me këtë marrëveshje, Kosova ka humbur territor.

Partia Demokratike e Kosovës, e cila është pjesë e koalicionit qeverisës në vend, ka deklaruar se do ta mbështetë ratifikimin e Marrëveshjes të vitit 2015, me ç?rast, siç është thënë, do të përfundonte izolimi i Kosovës dhe do të mundësohej liberalizimi i vizave nga Bashkimi Evropian.

Partneri tjetër i koalicionit qeverisës, Aleanca për Ardhmërinë e Kosovës, lider i së cilës është kryeministri Ramush Haradinaj, me 9 deputetët e saj në Kuvend, po e kundërshton marrëveshjen dhe zoti Haradinaj ka theksuar se Komisioni e ka vërtetuar që Kosova ka humbur territor.

Kundër Marrëveshjes për demarkacion është shprehur edhe Nisma për Kosovën, gjithashtu një prej partnerëve të koalicionit qeverisës, e cila në Kuvendin e Kosovës ka 6 deputetë.

Marrëveshjen po e kundërshton edhe subjekti opozitar, Lëvizja Vetëvendosje, e cila në Kuvend i ka 32 deputetë.

Derisa çështja e Demarkacionit të mos zgjidhet, qytetarët e Kosovës do të presin edhe më tej, me muaj të tërë, për takimet e caktuara në ambasadat evropiane në Prishtinë, e më pas, në diell e në borë, në radhë, për t?i dorëzuar dokumentet për viza. Në dokumente, përveç atyre personale, përfshihen edhe dëshmitë për posedimin e mjeteve të mjaftueshme financiare, dëshmia që në Kosovë janë në marrëdhënie të sigurt të punës dhe të ngjashme./CityNews