E fundit!

09:56 Politikë

Konferenca dy ditore në Poloni për Rindërtimin e Ukrainës/ Rama mes liderëve pjesëmarrës

Kryeministri Rama do të marrë pjesë në Konferencën për Rin...

Të martën, një tjetër ministër italian në Tiranë/ Dosja “Habilaj” alarmon fqinjët, por jo qeverinë Rama

10 Dhjetor 2017, 18:35, Aktualitet CNA

Pasi një muaj më parë erdhi për një takim pune me homologët shqiptar vetë ministri i Brendshëm i Italisë, Marco Minitti, të martën homologu i tij i Drejtësisë, Andrea Orlando fluturon drejt Shqipërisë me një axhendë ?blic?, sikurse e perifrazon vizitën e ministrit Italian ?Lapsi.al?.

Ky i fundit raporton se axhenda e ministrit Orlando, sikurse edhe ajo e parardhësit të tij Minitti, ka si kryetemë dosjen Habilaj, veçse ai nuk do të takohet dhe bisedojë më ministrin e Brendshëm Fatmir Xhafaj, por me ministren e Drejtësisë Etilda Gjonaj.

?Në listën e tij të takimeve deri tani mësohet se është vetëm ai me homologen shqiptare Eltida Gjonaj. Ministri italian do të kërkojë informacione për zhvillimin e hetimeve për dosjen e lënë në Tiranë nga kolegu i tij, ministri i Brendshëm Marco Minitti. Çfarë po ndodh me çështjen Habilaj dhe zyrtarët e policisë të përfshirë në trafikun e drogës? Deri tani ministri italian i Drejtësisë nuk ka në axhendën e tij asnjë takim me Kryeministrin, apo kreun e Policisë së Shtetit?, shënon ?Lapsi…?, duke njoftuar për një dosje voluminoze që ministri Minetti la mbi tryezën e kolegut të tij shqiptar, Fatmir Xhafaj.

Dosja përmban ndër të tjera, përveç fakteve të dala gjatë hetimit të grupit ?Habilaj? në Itali edhe një listë me 40 emra policësh shqiptarë të përfshirë në trafik drogë. Emra të dala nga përgjimet e prokurorëve të Katanias. Por edhe lidhjet e trafikantëve me Policinë e Shtetit dhe politikën.

Vizitën e ministrit të Drejtësisë, si e dyta e një përfaqësuesi të rendësishëm të qeverisë italiane brenda një kohe fare të shkurtër, për të njejtën çështje ?Lapsi?? e sjell si një fakt që tregon se: ndërsa në Tiranë duket se i kanë marrë me qetësi hetimet për çështjen ?Habilaj? nuk ndodh e njëtja gjë te autoritetet italiane të cilat janë angazhuar maksimalisht për të çmontuar deri në rrënjë këtë grup të fuqishëm kriminal të trafikut të drogës. E konfirmon këtë pikësëpari hetimi i gjatë dhe serioz i prokurorisë së Katanias dhe më pas angazhimi deri në ministrinë e Brendshme të Italisë për të sjellë në Tiranë të dhëna për çështjen. /CityNews