"Shëndetësia falas” ka rënë në koma

5 Dhjetor 2017, 20:57, Aktualitet CNA

Pas publikimit të lajmit se 8 mjekë të QSUT-së ishin dorëhequr nga puna, për shkak të kushteve jo të mira të punës, ka reaguar dhe ZGJIDHJA.

Në një postim në rrjetet sociale, kryetari i ZGJIDHJA-s, Koço Kokëdhima, shkruar se shëndetësia sot është në kushte të jashtëzakonshme dhe se prej 2013 mjekët janë duke punuar në kushte tepër të vështira.

?Mjekët e Urgjencës së QSUT-së në Tiranë dhanë sot dorëheqjen kolektive. Në memon e drejtuar autoriteteve ata shprehen se nuk mund të punojnë më në kushte çnjerëzore dhe joprofesionale, ku e ka zhytur shëndetësinë Rilindja e Edi Ramës. Protesta e tyre është e padëgjuar. Gjendja ku ndodhet shëndetësia është vërtetë e jashtëzakonshme. Njerëzit e shëndetësisë, sidomos, prej vitit 2013, punojnë në kushte tepër të vështira. Në krye të spitaleve, pavioneve dhe reparteve, janë vënë profanë, që nuk kanë asnjë lidhje me shëndetësinë, por dinë të bëjnë vetëm tendera, të vjedhin nga supa e spitalit, pastrimi, ilaçet, pajisjet mjekësore deri te aparaturat e shtrenjta?.

Më tej Kokëdhima ka thënë se profesionistët e vërtetë janë vënë në urdhrat e Rilindjes, ndërsa ata që nuk ju bindën u poshtëruan dhe nxorrën nga sistemi shëndetësor.

?Profesionistët e vërtetë janë vënë nën urdhërat e Rilindjes, ndërsa ata që kundërshtuan dhe nuk i shërbyen me servilizëm pushtetit të urryer të Edi Ramës, u linçuan, poshtëruan dhe nxorrën nga sistemi shëndetësor. Qindra mjekë dhe intermierë nga më të mirët, të rinjtë e talentuar janë larguar nga Shqipëria dhe punojnë në Gjermani, apo vende të tjera të Perëndimit ku shohin të ardhme personale dhe profesionale. Shumë të tjerë janë drejt kësaj rruge. Spitalet rajonalë kanë mbetur pa personel dhe pacientëve u duhet të udhëtojnë drejt Tiranës apo qyteteve të tjera të mëdha për të marrë shërbimet shëndetësore, për të mos folur për qendrat shëndetësore të fshatrave të cilave nuk u kanë mbetur më as godinat?.

Në përfundim Kokëdhima ka thënë se ?kjo është ?Shëndetësia fala? e Rilindjes së Edi Ramës. Kjo është rruga e shkatërrimit përfundimtar të sistemit shëndetësor publik në Shqipëri, për llogari të disa klientëve të qeverisë që i dhanë goditjen vdekjeprurëse shëndetësisë shqiptare?. /CityNews