web counter
LEXO PA REKLAMA!

SHKARKO APP

App Store
Google Play

E fundit!

x

Organizohet në Tiranë Simpoziumi i Dytë Ndërkombëtar “Mehmet Akif Ersoy”

5 Dhjetor 2017, 19:12, Aktualitet CNA

Ditën e sotme Universiteti Mehmet Akif Ersoy në bashkëpunim me Universitetin e Tiranës organizuan Simpoziumin e Dytë Ndërkombëtar Mehmet Akif Ersoy dhe ndarjen e çmimeve në Shkencë dhe në Art.

Në këtë aktivitet shumë të rëndësishëm ishin të pranishëm presidenti Ilir Meta, ministri i Punëve të Jashtme të Turqisë Mevlüt Çavu?o?lu, ministrja e Kulturës Mirela Kumbaro, rektor i Universitetit të Tiranës Prof. Dr. Mynyr Koni, rektori i Universitetit Mehmet Akif Ersoy Prof. Dr. Adem Korkmaz, ambasadorë, si dhe shumë të ftuar të tjerë.

Në fjalën e tij Meta, ka përgëzuar të dyja universitetet si organizatorë të këtij aktiviteti, duke thënë se me mijëra studentë janë arsimuar e trajnuar në shkollat e universitetet civile dhe ushtarake në Turqi, prej më se 25 vitesh, duke i rritur mjaft kontaktet e drejtpërdrejta dhe duke forcuar miqësinë tradicionale midis dy popujve.

Më tej ai shtoi se ishte i bindur se falë, këtyre marrëdhënieve të shkëlqyera dhe lidhjeve ndër-njerëzore, e ardhmja miqësore dhe vëllazërore e bashkëpunimit mes dy vendeve do të jetë edhe më fortë, edhe më e sigurt, edhe më e qëndrueshme.

Ndërsa Prof. Dr. Mynyr Koni, theksoi rëndësinë e veçantë që ky simpozium paraqet si një moment kyç dhe tepër premtues për bashkëpunimin e mëtejshëm të Universitetit të Tiranës – si universiteti më i madh publik dhe me më shumë ndikim në jetën social – ekonomike të Shqipërisë si dhe Universitetit Mehmet Akif Ersoy, si një nga universitetet më me peshë të Turqisë, që për më tepër mban emrin e një personi të shquar dhe të madh të historisë së Turqisë, Mehmet Akif Ersoy, i cili është me origjinë shqiptare.

Rektori i Universiteti të Tiranës u shpreh se UT gjithmonë është në kërkim të shtrirjes së mëtejshme të dimensionit të ndërkombëtarizimit duke rritur ndjeshëm numrin e bashkëpunimeve me jashtë dhe duke krijuar partneritete konkrete me universitete nga rajoni, Bashkimi Europian si dhe me shumë Universitete Turke.

Në anën tjetër, Ministri i Punëve të Jashtme i Republikës së Turqisë Z. Mevlüt Çavu?o?lu, i cili u nderua edhe me titullin ?Doctor Honoris Cuasa? nga Universiteti Mehmet Akif Ersoy, shprehu kënaqësinë e tij të veçantë që ky simpozium zhvillohej në Kryeqytetin e Shqipërisë, Tiranë. Z. Çavu?o?lu vlerësoi marrëdhëniet shumë të mira midis dy vendeve si dhe përgëzoi Universitetin Mehmet Akif Ersoy që kishte organizuar këtë simpozium në bashkëpunim me universitetin më të madh dhe më të mirë në Shqipëri, Universitetin e Tiranës.

Në përfundim të ceremonisë u ndanë çmimet “Mehmet Akif Ersoy” në Shkencë dhe Art, për personalitete në fushën e arsimit, kulturës dhe shkencës. /CityNews





Lajmet e fundit nga