web counter
LEXO PA REKLAMA!

SHKARKO APP

App Store
Google Play

Juncker entuziast për progresin e Shqipërisë/ Rama: Sfida të reja na presin

5 Dhjetor 2017, 17:18, Aktualitet CNA

Kryeministri Edi Rama doli në një konferencë për shtyp së bashku me Presidentin e Komisionit Europian, Jean-Claude Juncker ku kanë folur sërish për hapjen e negociatave të Shqipërisë me BE-në.

Në fjalën e tij Juncker u shpreh se Shqipëria varet nga implementimi i reformave, të cilat përbëjnë domosdoshmëri dhe rëndësi për vendin.

?Folëm për progresin që Shqipëria ka bërë. Jemi të lumtur me atë që po ndodh në Shqipëri. Kam besim se këto muaj do vijojnë reformat. Unë jam i impresionuar nga progresi dhe mendoj se nëse vijojnë kështu dy tre muajt e ardhshëm ne do të jemi shumë pranë të rekomandojmë Shqipërinë?,- u shpreh Juncker

Presidenti i KE-së, u shpreh se vitin e ardhshëm do të vizitojë Shqipërinë.

?Kam qëllim të vizitoj Shqipërinë vitin e ardhshëm. Ia thashë këtë personalisht Ramës por do e them publikisht?, – përfundoi Juncker.

Ndërsa kryeministri Rama u shpreh se, muajt e ardhshëm do të jenë të një rëndësie të veçantë pasi Shqipëria do të hyjë në një fazë tjetër atë të bisedimeve për anëtarësimin në BE.

?Muajt e ardhshëm do të jenë thelbësorë për të pasur mundësinë për të hyrë në një fazë të re që do të jetë e vështirë, por që është e nevojshme për të nisur bisedimet për anëtarësim. (?) Ajo që mund të them në fund është se e lë Brukselin me bindjen se rezultate më të prekshme na presin. Sfida na presin?,- përfundoi Rama. /CityNews





Lajmet e fundit nga