web counter
LEXO PA REKLAMA!

SHKARKO APP

App Store
Google Play

E fundit!

x

Dita Ndërkombëtare e Vullnetarëve/ LSI pranë njerëzve në nevojë

5 Dhjetor 2017, 18:27, Aktualitet CNA

Strukturat e Lëvizjes Socialiste për Integrim kanë organizuar një aktivitet në të gjithë vendin, në shërbim të komunitetit dhe shtresave në nevojë. Ky organizim është bërë në kuadër të Ditës Ndërkombëtare të Vullnetarëve.

LSI dërgoi ushqime në 3 qendra të ndryshme sociale në kryeqytet, në Njësinë Administrative nr. 9, në Shkozë dhe në Laprakë. Gjithashtu në Tiranë LSI shpërndau ndihma ushqimore për familjet e përmbytura dhe në gjendje shumë të vështirë ekonomike në Njësinë Administrative nr. 8.

Në një prononcim për mediat, nënkryetarja e Lëvizjes Socialiste për Integrim, Kejdi Mehmetaj, u ka bërë thirrje të gjithë shqiptarëve specifikisht të rinjve në mënyrë që këta të fundit të jenë vullnetarë duke u angazhuar në punët e komunitetit pasi sipas saj kjo është forma më e mirë për t?i shërbyer edhe vetes tonë.

?Sot, në datën 5 dhjetor që është njëkohësisht dhe Dita Ndërkombëtare e Vullnetarëve dhe vullnetarizmit, së bashku me të rinjtë dhe të rejat e Lëvizjes Socialiste për Integrim kemi vendosur që ditën tonë ta vëmë në shërbim të komunitetit sepse kjo është forma më e mirë për t?i shërbyer në radhë të parë vetes tonë. Marr shkas edhe nga përmbytjet e ditëve të fundit dhe nevojat që qytetarët kanë, ku sot duhet të jemi pranë tyre me atë se çfarë mund të ofrojmë nga vetja jonë. Ne kemi vendosur që të jemi sot në qendrat sociale për t?i shërbyer ushqim, por edhe pak ngrohtësi familjeve që në këto ditë t ftohta dhe me shi e kanë të pamundur që të jenë në shtëpitë e tyre, por njëkohësisht do të jemi sot edhe në familje nëpër gjithë Tiranën për t?i ndihmuar ata për të kaluar këto ditë të vështira. Shpresoj që ky mesazh i joni por edhe kjo ditë e jona në shërbim të komunitetit, të vlejë për të gjithë të rinjtë që të gjejnë një mundësi për t?i shërbyer komunitetit. Po i shërbyen komunitetit, i kanë shërbyer edhe vetes së tyre. Përfitoj nga rasti t?i bëj thirrje qeverisë, në veçanti ministrisë përgjegjëse, që të miratohen sa më parë gati aktet nënligjore për ta bërë të zbatueshëm Ligjin për Punën Vullnetare?,- tha Mehmetaj.

Ndërsa sekretari i Përgjithshëm i LSI-së, Endrit Braimllari, së bashku me LSI-në e Kavajës, u gjendën pranë banorëve të përmbytur në këtë rreth me ushqime dhe ndihma të tjera. /CityNews





Lajmet e fundit nga