E fundit!

07:10 Sociale

Reshje shiu afatshkurtra dhe të dobëta/ Moti për ditën e sotme

Ditën e sotme kushte atmosferike kryesisht të qëndrueshme....

Erion Veliaj vijon avazin/ Mbjellë pemë tek Unaza e Re, ndërsa është në Itali (Video)

5 Dhjetor 2017, 18:55, Aktualitet CNA

Nuk është se sjell ndonjë lajm të ri kur thua se kryebashkiaku i Tiranës, Erion Veliaj i mashtron shqiptarët nëpërmjet mediave sy ndër sy, por është vërtetë e pabesueshme sesi ka mundësi që megjthëse për këtë ves të tij është kritikuar më shumë se një herë nuk e heq zakonin. Këtë e tregon fakti se sërish të hënën ai ka përdorur të njejtën strategji mashtrimi.

Sikurse ka raportuar lapsi.al, të hënën kryebashkiku Veliaj, nga rrjetet sociale dhe ekranet e televizioneve iu tha shqiptarëve se ishte duke mbjellë pemë pranë Unazës së Re në Tiranë.

Njoftimi zyrtar i Bashkisë kishte video dhe foto të kryebashkiakut. Lapsi.al raportoi se Veliaj ishte në Itali dhe se ishte parë në aeroportin e Romës, në Fiumiçino mbrëmjen e së dielës. Kronika e lajmit të rremë u përsërit në të gjitha ekranet e televizioneve një ditë më parë.
Por nga ana tjetër e kufirit, mediat italiane japin detaje për axhendën e Veliajt, raportojnë për takimet e tij në kohë reale, madje gazetarët edhe e kanë intervistuar kryebashkiakun, për të cilin kjo është eksperiencë që sa vjen e bëhet më e rrallë.

Të hënën paradite, ndërsa në zyrat e Bashkisë, përgatiteshin pamjet dhe teksti për t?iu servirur mediave, Erion Veliaj ishte në një takim në Abruzzo, bashkë me presidentin e rajonit në fjalë dhe me Presidentin e Parlamentit Europian, Antonio Tajani. Aty u zhvillua ceremonia përmbyllëse e programit IPA Adriatic Cross-Border Cooperation 2007-2013. Veliaj ka patur kohë për t?u takuar me një përfaqësi të komunitetit arbëresh në Itali, shoqëruar nga ambasadorja shqiptare atje. Shikoni videon më poshtë:

Gjatë pasdites, kur shqiptarët e shihnin duke i hedhur një lopatë dhe fidanëve, Veliaj ishte në Institutin e Shkencave ?Grann Sasso?, bashkë me rektorin Eugenio Coccia dhe Presidentin e Këshillit rajonal Giuseppe Di Pangrazio.

Të martën, Veliaj qëndroi sërish në Itali, ku kishte parashikuar takime të tjera. Zyra e shtypit në Tiranë e bëri pushim.
Nuk ka asnjë dyshim se ?shërbimi? i ekraneve të medias do t?i bëhej me të njëjtin zell edhe të martën, pa llogaritur nëse ?lajmi? ishte i vërtetë apo i fabrikuar nga zyra e shtypit e bashkisë. Por e vërteta e udhëtimit në Itali të Veliajt, tashmë kishte marrë dhenë në mediat online dhe një kronikë tjetër e gatshme, vetëm sa do ta nxirrte kryebashkiakun e Tiranës siç është në të vërtetë; gënjeshtar dhe qesharak.