10-vjetori i Shkollës Shqiptare të Studimeve Politike/ Meta: Qeshu rini, qeshu! Bota është e jotja!

5 Dhjetor 2017, 20:02, Aktualitet CNA

Presidenti i Republikës, Ilir Meta mori pjesë në ceremoninë e organizuar me rastin e 10-vjetorit të zhvillimit të programit ?Shkolla Shqiptare e Studimeve Politike? ku edhe dorëzoi diplomat për brezin e ri, i cili përfundoi studimet në Akademinë e Studimeve Politike.

Gjatë fjalës së tij Presidenti Meta, shprehu kënaqësinë për pjesëmarrjen në këtë ceremoni, duke vënë në dukje se kjo shkollë është dëshmi e suksesit modest por të sigurt.

?Fakti që kjo shkollë ka një alumni prej 290 pjesëmarrësish, ndër të cilët edhe drejtues të lartë të qeverisjes në nivel qëndror dhe vendor, aktivistë dhe opinionbërës të njohur, është dëshmi e suksesit modest, por të sigurt që ka arritur të korrë në këto 10 vite të veprimit të saj.?

Presidenti Meta shprehu mirënjohjen ndaj: ?Mbështetjes së Këshillit të Evropës dhe Agjencisë Zvicerane për Zhvillim dhe Bashkëpunim për nxitjen e angazhimit të të rinjve në jetën politike të vendit, dhe në tërësi në proceset demokratizuese dhe zhvillimore.?, e cila meriton një vlerësim të posaçëm.

?Duke qenë në vigjilje të Ditës Kombëtare të Rinisë, 8 Dhjetorit, që hapi siparin e ndryshimeve epokale në Shqipërinë e fillim viteve ?90-të, nuk mund veçse të theksoj rëndësinë madhore që ka investimi për kualifikim e të rinjve dhe rritjen e kapaciteve të tyre, si një aset që duhet të investohet në dobi të të ardhmes së vendit. E përshëndes përzemërsisht veprimtarinë e Shkollës së Studimeve Politike, si një mundësi shumë e mirë që u ofrohet të rinjve shqiptarë të spikatin në individualitetin e tyre, si drejtues të të ardhmes dhe për të marrë më shumë përgjegjësi?, ? u shpreh Meta.

Sipas Kreut të Shtetit, edukimi nuk duhet parë thjesht si një proces mekanik nxënieje, por si një mundësi e artë të mendimit, guximit dhe të veprimit dhe kreativitetit.

?Edukimi nuk duhet parë thjesht si një proces mekanik nxënieje. Unë e konsideroj atë si një mundësi të artë për ndezjen e shkëndijave, të mendimit, të guximit, të veprimit dhe të kreativitetit. Shoh që kjo Shkollë ka ndezur disa shkëndija, dhe shpresoj shumë të tjera në të ardhmen. Martin Luter Kingu do të konstatonte me të drejtë se, çdo shoqëri, ka mbrojtësit e statuskuosë dhe vëllazëritë e indiferentëve të cilët, fatkeqësisht, flenë në periudhat e ndryshimeve të mëdha shoqërore. Por ndryshimet e mëdha varen nga aftësia e shoqërisë, dhe veçanërisht e të rinjve, për të ndenjur zgjuar dhe vigjilentë.
Veprimi ka rreziqet dhe koston e vetë, por mosveprimi dhe braktisja ka pasoja fatale për të ardhmen e vendit.? ? theksoi Meta.

?Mesazhi im për ju sot është që me vullnet e vendosmëri, duke përdorur dijen dhe talentin tuaj, jepuni jetë ideve të reja, sillni në Shqipëri ndryshimin përmes veprimit, dhe më e rëndësishmja merrni përgjegjësi për të ardhmen e vendit dhe të vetes suaj!?

Më tej Meta vijoi duke thënë se, duhet të kemi sa më pak egoizëm dhe sa më shumë vullnetarizëm dhe solidaritet.

?Meqenëse sot jemi në Ditën e Vullnetarizmit do t?ju ftoja të gjithëve duke filluar nga unë e të gjithë të tjerët të parët: Sa më pak egoizëm, dhe sa më shumë vullnetarizëm e solidaritet! Sepse nëse doni që bota të lëvizë dhe ju jeni të rinj edhe e doni këtë, duhet të lëvizni vetë të parët. Aq më tepër të bashkuar do ta fitoni të ardhmen që ëndërroni dhe që meritoni. Dhe të mos harrojmë traditën, kur të jeni në stres, mos t?ju shkojë mendja të largoheni nga vendi, por kujtoni vargjet e Migjenit: ?Qeshu rini, qeshu! Bota është e jotja!?”, – tha Meta. /CityNews