web counter
LEXO PA REKLAMA!

SHKARKO APP

App Store
Google Play

E fundit!

x

Kush e çoi Lulzim Bashën tek Trump?/ Zbulohen detaje për turkun dhe lidhjet e mikut të Lulit me këshilltarin e dënuar të Presidentit amerikan

2 Dhjetor 2017, 20:05, Aktualitet CNA

Ndërsa trajton aferën e shumë përfolur të një million dollarëve të lobimit të Lulzim Bashës për të arritur një foto-takim me presidentin amerikan, Donald Trump, në një editorial të botuar në ?TemA? , Mero Baze ka zbuluar edhe detaje të panjohura deri më sot.

Kështu, Baze flet për të paktën tre shokë të spikatur të Lulzim Bashës, dy prej të cilëve ngjajnë aq shumë me njeri tjetrin, kurse i treti është djali i ish Këshilltarit për Sigurinë të Presidentit Trump, sakaq nën hetim.

Dy të parët janë Damir Fazlliç dhe Kamil Ekim Alptekin. Nëse i pari është i njohur masivisht për shqiptarët, i dyti, pra turku Alptekin, del për të parën herë në skenë, si ?biznesmenë kontravers?, që sikurse Fazlliçi zotëron kompani biznesi e konsulencash, por dhe lobon për të realizuar takime të pushtetarëve të vendeve të Lindjes drejt Uashingtonit.

?Të dy përfundojnë në biznese energjish dhe armësh dhe në fund të dy janë shokë të Lulzim Bashës?, shkruan Mero Baze, duke e vlerësuar turkun Kamil Ekim Alptekinin si: ?shokun më të ngushtë aktualisht në botë të Lulzim Bashës?.

Ai: ?është pronar i kompanisë ?Inovo BV? e themeluar në Hollandë, në 8 gusht 2005, në javën që Lulzim Basha e kishte marrë vesh emërimin e tij të parë si Ministër Transportesh në Shqipëri.

Ai ishte një shok shkolle i ngushtë i Lulzim Bashës në Utrecht, por edhe pse ishte zhvendosur në Turqi, çuditërisht kompaninë e konsulencës për biznes dhe lobim e hapi në Hollandë. Aty afër ishte ende shtëpia e Lulzim Bashës.

Në Shtator të vitit 2014, Lulzim Basha ishte dëshmitar i dasmës së tij në një nga resortet turistike të njohur në Suada. Biznesmeni Alptekin festoi atje martesën e tij me gruan Nigar Talibzade si dhe ditëlindjen e fëmijëve binjakë. Çifti që ishte martuar një vit më parë, rinovoi martesën e tyre me pjesëmarrjen e miqve të ngushtë, ndër të cilët në krye ishte Lulzim Basha.

Çifti, sipas gazetës turke ?Sabah?, së pari i pranoi dhuratat që sollën për fëmijët binjakë dhe pastaj martesa vazhdoi në kompleksin e pishinave…?, shkrun ndër të tjera Baze, që e spikat zgjerueshëm portretin e turkut për të përmendur më pas faktin se pikërisht ky ?shok i ngushtë? i Lulzimit ka shërbyer si ndërmjetës për të realizuar takimin e këtij të fundit me Trump dhe  bërjen e fotografisë me të.

Krahas tij Baze përmend edhe djalin e Michael Flynn ish këshilltarit për Siguri Kombëtare të Presidentit Trump, me të cilin Lulzim Basha ka punuar në UNMIK.

Ky bashkë me Alptekinin ishin garantët që Lulzim Basha do ta ?kapte? një foto me Trump, vlerëson Baze, duke përmendur se kompaninë e tij në Hollandë, Alptekin e ka përdorur për të nënshkruar një kontratë me Michael Flynn, një javë pas grushtit të shtetit në Turqi, me qëllim që të përhapte opinione negative kundër Gulenit dhe pastaj ta rrëmbenin atë forcërisht për ta çuar në Turqi. Ai i ka paguar gjysmë million dollarë, por kontrata, referuar shtypit amerikan, shkonte në 15 milionë dollarë, nëse do të realizohej rrëmbimi?

?Sot, një gjykatë në SHBA e shpalli fajtor Michael Flynn, ish këshilltarin për Siguri Kombëtare të presidentit Trump, për përfshirjen e tij në ndikimin rus në SHBA.  Dhe kur e mendon gjithë këto lëvizje që ka bërë Alptekin me një kompani konsulence regjistruar në lagjen ku ka jetuar me Lulzim Bashën në Utrecht, e kupton sa lehtë e ka pasur ai të çojë Lulzim Bashën për një foto me Trumpin, në përpjekje për ta nxjerrë nga situata në Shqipëri. Përfshi këtu dhe faktin që djali i Michael Flynn ka punuar në UNMIK me Lulzim Bashën dhe bashkë me Alptekinin ishin garantët që ai do ta ?kapte? një foto me Trump?, komenton Baze duke sugjeruar se tani Lulzim Basha jo vetëm që duhet t?i nënshtrohet hetimit, por paraprakisht duhet të deklarohet për disa çështje me interes publik në Shqipëri që lidhen me këtë njeri./CityNews





Lajmet e fundit nga