web counter
LEXO PA REKLAMA!

SHKARKO APP

App Store
Google Play

E fundit!

x

Tabaku akuza Veliajt/ Katastrofa pasojë e keqmenaxhimit

2 Dhjetor 2017, 16:59, Aktualitet CNA

Katrastrofa natyrore që ka përshkuar vendin ditët e fundit, ka shkaktuar jo pak dëme, pasi përmbytjet janë në masë në të gjithë territorin.

Në një postim në rrjetet sociale, deputetja e Partisë Demokratike, Jorida Tabaku, ka akuzuar Veliajn se është duke prodhuar show nga katastrofa e ndodhur, në një kohë që sipas saj kjo situatë është fryt i punës së keqmenaxhimit të tij më së shumti sesa prej shiut.

?Sikur të mos mjaftonte katastrofa që prodhoi shiu, në televizione shfaqen kronikat e regjistruara të kryetarit të bashkisë Tiranë. I cili, vazhdon të prodhojë show me regji qendrore nga zyrat e Bashkisë edhe në këto çaste kaosi që janë peshqesh prej keqmanaxhimit te tij më shumë se sa prej shiut?.

Më tej Tabaku tha se rritja e çmimit të ujit në janar të 2018 vjen në një kohë që njerëzit po vuajnë nga uji I pijshëm.

?Tirana, banorët e të cilës nga janari 2018 do të kenë një çmim më të lartë uji, po vuajnë nga uji i pijshëm edhe energjia elektrike. Gjysma e Tiranës ka vetëm 30 minuta ujë në ditë ndërsa banorët kanë gjetur zgjidhjen tek blerja e ujit që shitet nga botet private me bekimin e UKT. Pak ditë me shi që tregojnë fytyrën e vërtetë të investimeve të bashkisë në kanalizime dhe UKT?.

Në përfundim Jorida Tabaku ka rikujtuar planin e qeverisë për të zëvendësuar palmat me pisha, kosto e cila mund të përdorej fare mirë për furnizimin me ujë të bollshëm të Tiranës.

?Të nderuar qytetarë, mos harroni! Kryetari bashkisë do të shpenzojë këtë dhjetor mbi 2 mln euro që palmat shkaktare të përmbytjes së autostradës t?i zëvendësojë me pisha. Fare mirë kjo shumë mund të përdorej në shërbim të UKT që një herë e mirë ajo të mos bllokojë furnizimin me ujë prej një rreshje shiu apo një ngrice të vogël?. /CityNews

 





Lajmet e fundit nga