web counter
LEXO PA REKLAMA!

SHKARKO APP

App Store
Google Play

Inspektimi në zonat e përmbytura/ Klosi kërkon ndihmën e bizneseve

2 Dhjetor 2017, 16:29, Aktualitet CNA

?Jemi këtu për të ndjekur nga afër përfundimin e një pune  titanike dhe heroike të organizuar nga bashkia e Urës Vajgurore  në bashkëpunim me biznesin e zonës për të rehabilituar një zonë e cila mund të rrezikonte përmbytjen e një pjese shumë të madhe të qytetit.?

Kështu është shprehur ministri i Turizmit dhe Mjedisit, Z. Blendi Klosi gjatë inspektimit të bërë mëngjesin e ditës së sotme në Urën Vajgurore, një nga zonat më të prekura nga përmbytjet në qarkun e Beratit.

Ministri Klosi falenderoj gjithashtu bashkinë, strukturat shtetërore për organizimin dhe mbështetjen me të gjitha mjetet në përballimin e situatës.

Veçanërisht ministri  falenderoi biznesin lokal duke kërkuar mbështetjen e mëtejshme të tyre për të shpëtuar jetën e njerëzve.

?Gjatë gjithë natës të gjithë punonjësit e bashkisë të ndihmuar edhe nga forcat e rendit dhe nga një strukturë shumë më e gjerë, kanë punuar në një mënyrë krejtësisht të falenderueshme dhe të përgëzueshme.

Por po  të shikojmë në anën tjetër të urës, përsëri situata nuk është nën kontroll dhe për këtë do të vazhdojë puna.  Do të doja t?u bëja edhe njëherë thirrje të gjithë biznesit  vendas, kompanive të cilat kanë mjetet motorike dhe të fuqishme për të ardhur dhe për të ndihmuar punën e drejtuar tashmë nga pushteti vendor për të siguruar jetën e njerëzve dhe për të siguruar po ashtu edhe pronën?- tha ministri Klosi duke përgëzuar për punën e saj edhe kryetaren e Bashkisë së Urës Vajgurore.

Kreu i Turizmit dhe i Mjedisit, njëherësh deputet i qarkut Berat ndodhet në këtë zonë prej dy ditësh  për të koordinuar dhe ndjekur nga afër situatën e krijuar nga reshjet e ditëve të fundit. Një ditë më parë në qarkun e Beratit falë organizmit të të gjitha strukturave u evakuuan 25 familje dhe janë marrë masa të vazhdueshme për të minimizuar dëmet./CityNews





Lajmet e fundit nga