E fundit!

11:46 Aktualitet

Balla, pyetje publike protestuesve

Kreu i Grupit Parlamentar të PS-së, Taulant Balla, u është...

Artan Hoxha tregon skandalin/ Oficeri i shkarkuar i Elbasanit rikthehet në detyrë

2 Dhjetor 2017, 19:28, Aktualitet CNA

Gazetari investigativ Artan Hoxha, ka denoncuar skandalin e rikthimit të një oficeri të shkarkuar nga detyra në drejtorinë e Elbasanit, shkarkimin e të cilit e ka përshëndetur vetë kryeministri i vendit Edi Rama, duke thënë se kush është i përfshirë me krimin e organizuar nuk mund të mbajë uniformën blu të Policisë së Shtetit.

Në një postim në rrjetet sociale, Hoxha, ka konfirmuar se oficeri dhe njëherazi ish-nëndrejtori i policisë së qarkut Elbasan, Gjergj Oshafi, i cili drejtonte aksionin e dështuar dhe të fiksuar nga kamerat e sigurisë në tregun agro-ushqimor të qytetit, është rikthyer sërish në radhët e policisë.

?Oficeri me i perfolur per ngjarjen e Elbasanit, ish-nendrejtori i policise te atij qarku, Gjergj Oshafi, i cili drejtonte aksionin e deshtuar dhe te fiksuar nga kamerat e sigurise ne tregun agroushqimor te qytetit, eshte rikthyer serish ne radhet e policise. Ishte makina e ish-nendrejtorit Oshafi ajo qe u godit nga Audi i blinduar A-8, po ashtu ishte ai direkt qe drejtonte aksionin dhe pergjegjes per veprimin dhe mos veprimin e trupes policore qe merrte pjese ne ate ngjarje…?

Duke kujtuar se kjo ngjarje është nën hetim nga policia e Shtetit dhe prokuroria, gazetari Hoxha, ngre dyshime rreth arsyes së vërtetë që solli oficerin në detyrën e specialistit në sektorin e luftës kundër narkotikëve në Drejtorinë e Përgjithshme të Policisë së Shtetit, emëruar nga vetë Haki Çako.

?uroj qe motivet profesionale te kene prevaluar mbi motivet personale e shoqerore ne levizjen e fundit te Drejtorit te Pergjithshem?, shkruan gazetari Artan Hoxha.

?Pavarsisht se kjo ngjarje eshte ne hetim nga drejtoria e standarteve ne Policine e Shtetit dhe nga prokuroria, ish-zv/drejtori eshte i vetmi qe eshte kthyer ne detyre. Pak dite me pare Drejtori i Pergjithshem i Policise se Shtetit, Haki Cako, ka firmosur emerimin e tij ne detyren e specialistit ne sektorin e luftes kunder narkotikeve ne Drejtorine e Pergjithshme te Policise se Shtetit. Deri ketu duket se nuk ka asnje problem, por pse nga 12 oficeret drejtues te policise se Elbasanit qe u shkarkuan u kthye ne detyre vetem Oshafi?!!! A ka ndonje rezultat hetimi i brendshem i drejtorise se standarteve ne lidhje me ngjarjet ne Elbasan, kush ka dale pergjegjes deri tani dhe kush rezulton i paster nga 12 te shkarkuarit?!!!
Keto jane pergjigje qe duhet ti marrim ne ditet ne vijim per te kuptuar se sa seriozisht po menaxhohet situata e veshtire qe kalon Elbasani. Mesa mbaj mend, deri ne vitin 2013, ne Drejtorinë e Tiranes, kur Haki Cako ka qene Shef Sektori per Trafiqet, Gjergji Oshafi ka qene Shefi i sektorit te Antidroges per drejtorine e qarkut Tirane…uroj qe motivet profesionale te kene prevaluar mbi motivet personale e shoqerore ne levizjen e fundit te Drejtorit te Pergjithshem..? /CityNews