web counter
LEXO PA REKLAMA!

SHKARKO APP

App Store
Google Play

E fundit!

x

Një tjetër pushtues po shkatërron Shqipërinë

29 Nëntor 2017, 20:04, Aktualitet CNA

Në ditën e çlirimit të vendit, drejtuesit e partisë ZGJIDHJA, të Koço Kokëdhimës, kanë kryer homazhe tek monumenti i “Nënës Shqipëri”, ku edhe kanë vendosur kurora me lule.

Në homazhet përkujtimore, ishin të pranishëm Vladimir Lulaj, Hane Muja, Julinda Halilaj dhe drejtues të tjerë që vendosën tek monumenti kurora me lule.

Drejtuesja e Forumit Rinor të ZGJIDHJA-s, Hane Muaj, u shpreh se, “Sot, në ditën e çlirimit të Shqipërisë, ZGJIDHJA nderon dëshmorët e lirisë”.

Pas homazheve tek monumenti i “Nënës Shqipëri”, edhe Vladimir Lulaj, nënkryetar i ZGJIDHJA-s, pati një prononcim për mediat, ku tha se një ?pushtues? tjetër po e shkatërron Shqipërinë dhe kjo është elita aktuale politike.

“Ajo ka vendosur partitë mbi shtetin ligjor. Populli e ndjen më të rëndë se kurrë tiraninë e skamjes, krimit, drogës dhe korrupsionit! Populli ynë e ka pasur më të lehtë kundër pushtuesve të huaj, por ndihet i pafuqishëm përballë mafies së partive, korrupsionit, padrejtësisë, varfërisë, papunësisë, shtypjes dhe nëpërkëmbjes. Ky popull i mashtruar, përdorur, lodhur e zhgënjyer pret lidershipin e ri politik që do udhëheqë transformimin e madh dhe historik politik, social, ekonomik dhe institucional aq të shumëpritur. Ky lider i ri i shqiptarëve është ZGJIDHJA dhe kryetari i saj, Koço Kokëdhima. Vetëm ZGJIDHJA do të rikthejë demokracinë dhe shtetin e së drejtës, lirinë dhe zhvillimin ekonomik, shpresën dhe mundësitë për këtë popull”, – tha ndër të tjera nënkryetari i ZGJIDHJA Vladimir Lulaj. /CityNews





Lajmet e fundit nga