web counter
LEXO PA REKLAMA!

SHKARKO APP

App Store
Google Play

Analiza e PD në Vlorë/ Agron Shehaj kryqëzohet nga demokratët

23 Nëntor 2017, 18:12, Aktualitet CNA

Partia Demokratike, ka zhvilluar analizën e saj në Vlorë, e cila është mbajtur nën debate të ashpra.

Sipas burimeve nga Partia Demokratike, mësohet se analiza në Vlorë është bojkotuar në masë dhe kjo është parë në mungesën e pjesëmarrësve në analizë.

Sikur të mos mjaftonte kjo, edhe ata pak pjesëmarrës kanë debatuar ashpër, pasi anëtarët e PD-së nuk janë dakordësuar asesi me “Listën Basha”, listë e cila solli edhe humbjen e rëndë të Partisë Demokratike në zgjedhjet e 25 qershorit. Po ashtu demokratët kanë kryqëzuar Bashën, për strategjinë e ndjekur.

Ajo që ka rënë në sy është edhe debati në Grupseksionin 1, mes Jetnor Shehajt, kushëri i deputetit të ri të Bashës, Agron Shehaj, dhe këtij të fundit. Sipas Jetnor Shehajt, Basha ka zgjedhur për deputet persona pa kontribut në parti, ndërsa akuzoi për këtë edhe vetën Agron Shehajn, të cilit i ka thënë se nuk është parë kurrë tek PD duke punuar apo kontribuar.

Deputeti Shehaj është akuzuar nga kushëriri i tij, se ishte zgjedhur pa të drejtë si deputet i PD-së, pasi sipas tij ai as nuk ka votuar për Partinë Demokratike, ndërsa sot është bërë deputet.

Analiza e Lulzim Bashës, për humbjen e zgjedhjeve të 25 qershorit është bojkotuar thuajse në të gjitha Qarqet nga demokratët, dhe tashmë analizën po e bëjnë një grusht njerëzish, militantë të Bashës. Kritikët dhe kontribuesit e vërtetë në PD janë lënë jashtë analize. /CityNews





Lajmet e fundit nga