web counter
LEXO PA REKLAMA!

SHKARKO APP

App Store
Google Play

E fundit!

x

Mbledhja e Këshillit Bashkiak/ Miratohet projekti për pishat e autostradës

23 Nëntor 2017, 18:03, Aktualitet CNA

Gjatë mbledhjes së Këshillit Bashkiak të Tiranës, është miratuar projekti për mbjelljen e pishave të buta në autostradën Tiranë-Durrës, projekt ky që zëvendëson palmat e thara. Projekti ka nxitur një sërë debatesh ndërsa këshilltarët e djathtë u larguar para se të votohej për projektin.

Anëtarët e LSI-së, ngritën shqetësimin se përse duhej Bashkia të investonte 2.5 milionë euro në pisha, pasi këto para mund të përdoreshin për projekte apo shërbime të tjera.

Nga ana e tij, nënkryetari i Bashkisë së Tiranës, Arbjan Mazniku tha se palmat e thara do të zëvendësohen me mbjelljen e pishave të buta pasi ky aks është i rëndësishëm dhe nuk mund të lihet në baltë.

Pjesë nga debati:

Mirela Bogdani nga FRD: Këto palma u thanë se janë blerë në Dubai dhe nuk janë palma mesdhetare. Pse duhet të përdoren buxheti i bashkisë për këto pisha kur mund të përdoret për punë më të rëndësishme.

Arbjan Mazniku: Është një zonë që i përket Tiranës dhe e rëndësishme. Pisha ka më pak nevojë për kujdes dhe ne gjykojmë që hyrja e qytetit nuk duhet të lihet në baltë.

Anëtarët e LSI: Duhet parë nëse ja vlen investimi për të mbjellë pisha të buta. 2,5 milionë euro për pisha mendojmë se janë shumë dhe duhet të investohen për gjëra më të rëndësishme që ka nevojë qyteti. /CityNews

 





Lajmet e fundit nga