web counter
LEXO PA REKLAMA!

SHKARKO APP

App Store
Google Play

Patozi"kryqëzon" Bashën/ PD nuk ka kauzë, nuk përfitoi as nga çështja Tahiri

13 Nëntor 2017, 21:17, Aktualitet CNA

Ish-nënkryetari i Partisë Demokratike, Astrit Patozi, ka sulmuar ashpër Lulzim Bashën, për çështjen Tahiri.

Sipas Patozit, Lulzim Basha, nuk arriti të përdorë dhuratën që erdhi nga ndërkombëtarët, e cila ishte publikimi i përgjimeve të bandës së Habilajve dhe përfshirja e ish-ministrit të Brendshëm Saimir Tahir, në këtë rrjet kriminal.

“Tahiri u kap në flagrancë dhe çdo gjë që mund të bënte Rama ose të bëj është e pavlefshme. Qeveria sot është e rrënuar për shkak të asaj çështje, e cila jo vetëm përligj akuzat e opozitës, por tregon degradimin e një stili qeverisje. Opozita nuk ka ditur ta kapitalizojë, pasi çështja Tahiri tregon rënien e sistemit. Është një kambanë alarmi që duhet të krijojë një lëvizje të re politike, të cilën i takon ta bëjë opozita. E kam fjalën për një shkundje. Ishte një dhuratë që na erdhi nga partnerët dhe ishte e mirëpritur.”, – tha Patozi, teksa shtoi se Basha nuk ka një kauzë që të udhëheqë demokratët drejt fitores.

Në vijim ai tha: ” Opozita nuk është në gjumë, por për shkak të Lulzim Bashës është në një moment pritjeje sepse kemi ardhur në këtë pikë duke degraduar hap pas hapi. Mos reagimi i duhur pas çështjes Tahiri, vërtetojnë këtë që po them.

Opozita po pret që të bie qeveria, nga skandali Tahiri, por kjo nuk është e mundur kur nuk ka një kundërshtar të aftë për të udhëhequr vendin. Kësisoj qytetarët e kanë më të lehtë të zgjedhë sërish qeverinë.”

Sipas Patozit vendi ka nevojë për një lëvizje të re politike dhe kjo do të vijë pavarësisht se nga kush. Ai tha se edhe nëse nuk vjen nga opozita apo Partia Demokratike, që me të drejtë i takon, do të vijë nga dikush tjetër, pasi sipas tij nuk ishin vetëm paratë e drogës problemi në zgjedhje, por i gjithë sistemi. /CityNews





Lajmet e fundit nga