web counter
LEXO PA REKLAMA!

SHKARKO APP

App Store
Google Play

E fundit!

x

LSI pakënaqësi ndaj Lu-së dhe OSBE-së/ Kryemadhi e shqetësuar që nuk ka arrestime të peshqve të mëdhenj

12 Nëntor 2017, 10:21, Aktualitet CNA

Brenda të njejtës ditë dy eksponentë të lartë të udhëheqjes së LSI-së, përkatësisht kryetarja Monika Kryemadhi dhe zëvendëskryetari Luan Rama kanë shprehur pakënaqësi publike ndaj përfaqësuesve të dy institucioneve të rendësishme ndërkombëtare. Kryemadhi ndaj ambasadorit Lu dhe refrenit që ai përmend për arrestimin e peshqëve të mëdhenj e të vegjël, e Rama ndaj ambasadorit të OSBE, Robert Borchard.

?Ka vite që dëgjojmë për arrestimin e peshqve të mëdhenj, por s?kemi parë as arrestime të mëdha, as të vogla. Për aq kohë sa drejtorët e policisë të lidhur me krimin kanë pasur mundësi të largohen nga vendi, atëherë që këtu nis problemi?, është shprehur Kryemadhi nga ekrani i RTSH-së, pasi ka vlerësuar se ministri i Brendshëm, Fatmir Xhafaj, nuk gëzon mbështetjen e nevojshme për të luftuar krimin e organizuar.

Por Kryemadhi nuk ngurroi të hedhë dyshime dhe për prezencën e  ekspertëve të FBI-së në vendin tonë, duke mos ngurruar të shprehet se nuk beson më shumë tek ta sesa tek Xhafaj.

Ndërkohë, po të premten, nënkryetari i LSI-së, Luan Rama, sulmin e drejtoi mbi ambasadorin e OSBE, të cilin e cilësoi ushtar të Gramoz Ruçit.

?Dua ta nënvizoj, që unë dhe kolegu Naço jemi në komisionin e reformës zgjedhore për të qenë aty bashkëpunues, kontribuues dhe mbrojtës të standardeve të zgjedhjeve që kërkon OSBE/ODHIRI, ndaj i sugjeroj edhe ambasadorit të OSBE që ishte sot në mbledhje të mos ngrihet e të mos sillet si ushtar i Gramozit, por të sillet si përfaqësues i misionit dhe si partner i rëndësishme për të realizuar një reformë zgjedhore, transparente, konsensuale dhe mbi të gjitha produktive në të mirë të procesit zgjedhor në Shqipëri, pasi defektet e reformave të mëparshme janë edhe dështim i OSBE-së?, u shpreh jo pak i irrituari Rama, duke qenë i dyti LSI-st i  nivelit të lartë që anatemonte një tjetër figurë përfaqësuese të institucioneve të rendësishme ndërkombëtare./CityNews





Lajmet e fundit nga