web counter
LEXO PA REKLAMA!

SHKARKO APP

App Store
Google Play

E fundit!

x

Verifikim kapitaleve të dyshimta/ FBI zbarkon në Drejtorinë e Pastrimit të Parave

12 Nëntor 2017, 09:24, Aktualitet CNA

Ekspertët e njësisë goditëse të krimit e korrupsionit e kanë nisur punën me marrjen e të dhënave nga Drejtoria e Pastrimit të Parave për tu njohur me lëvizjet e kapitalit financiar, pra me transferta dhe llogari bankare të individëve të caktuar të cilët janë të përfshirë në jetën politike, atë të drejtësisë, pushtetit etj.

Mbështetur, nga sa duket në sentencën e famëshme: për të zbuluar shkallën e krimit ndiq paratë, ekspertët e SHBA-së të ardhur në Shqipëri e kanë nisur punë pikërisht me zbatimin e përmbajtjes sw kësaj sentence për të arritur tek krimi.

Sipas  ?Sot?:  një burim i rëndësishëm në Drejtorinë e Pastrimit të Parave i ka thenë kësaj gazete se SHBA ka marrë në dorë të dhënat e para mbi një grup personash të dyshuar për afera kriminale dhe korruptive.

Drejtoria ka bërë gati një listë me të gjithë emrat që kanë kryer transaksione të dyshimta jashtë vendit, qw dyshohet se kanë kryer pastrim parash nëpërmjet investimeve që nuk e justifikojnë burimin e parave dhe të gjitha këto u janë vënë në dispozicion FBI-së dhe autoriteteve përkatëse.

Dosjet e para janë marrë në dorë prej tyre, por burimet thanë se amerikanët kanë kërkuar që të bëhet një tjetër verifikim dhe brenda pak javësh Drejtoria e Pastrimit të Parave duhet të hartojë një tjetër listë më voluminoze me zyrtarë të të gjithë niveleve, nga drejtorë të administratës e deri te gjyqtarë, prokurorë dhe politikanë.

Ndërkohë nga burime konfidenciale brenda Drejtorisë së Pastrimit të Parave mësohet se janë  identifikuar me qindra raste transaksionesh financiare të dyshimta, pjesa dërmuese e të cilave i janë dërguar prokurori, por organi i akuzës ka dështuar në shumë prej tyre. Është kjo arsyeja që po të njejtës situate vlerësimi i janë rikthyer sakaq ekspertët e udhëhequr nga agjentët amerikan të FBI-së./CityNews





Lajmet e fundit nga