web counter
LEXO PA REKLAMA!

SHKARKO APP

E fundit!

x

Vendosi eksploziv pranë banesës së kryebashkiakut të Matit/ Arrestohet autori

12 Nëntor 2017, 07:55, Aktualitet CNA

Policia e Burrelit ka bërë të mundur arrestimin e një 37-vjeçari, pasi dyshohet si autori i ngjarjeve të fundit me lëndë shpërthyese të ndodhura në qytet.

Burimet policore bëjnë me dije se në pranga ka rënë shtetasi me iniciale E.D, vjeç 37, lindur e banues në Burrel, Bashkia Mat.

Kapja dhe ndalimi i këtij shtetasi u bë pasi  Gjykata e Rrethit Gjyqësor Mat gjatë ditës së djeshme ka vendosur  caktimin e masës së sigurimit personal “Arrest me burg”.

I arrestuari E.D dyshohet të ketë lidhje me dy ngjarje të tjera të ndodhura, ajo e datës 25 tetor 2017 ku është vendosur lëndë plasëse në oborrin e një mobilerie në qytetin e Burrelit, si dhe i ngjarjes së ndodhur në datë  4 nëntor 2017 ku është vendosur lëndë plasëse në shesh pushimin e pallatit në katin e katërt para banesës së kryetarit të bashkisë Mat.

Policia është duke vijuar hetimet për zbardhjen e plotë të ngjarjes ndërkohë materialet proceduariale i kaluan Prokurorisë së Rrethit Gjyqësor Mat për veprat penale “Shkatërrim i pronës me eksploziv”, e “Mbajtje pa leje të lëndëve plasëse”. /CityNews

 





Lajmet e fundit nga