web counter
LEXO PA REKLAMA!

SHKARKO APP

App Store
Google Play

E fundit!

x

Policia e Shkodrës jep detaje për drogën në Velipojë/ Ja emrat e të arrestuarve

11 Nëntor 2017, 13:57, Aktualitet CNA

Policia e Shkodrës jep detaje për operacionin ku u sekuestrua një sasi e konsiderueshme drogë në Velipojë.

Policia bën të ditur se pesha totale e lëndës narkotike e sekuestruar sot në Velipojë është 1502 kg.

Në kuadër të këtij operacioni është bërë i mundur arrestimi i shtetasve Sokol Ujka dhe Arber Boxhana, si dhe Enriko Zyle, lindur në Shkodër banues në Tiranë, punonjës policie.

Po ashtu në pranga ranë; Arbër Bozhanaj, 30 vjeç, banues në Orikum Vlorë, Genti Dano, 35 vjeç, banues në Selenicë Vlorë dhe Dervish Gjolekaj.

Njoftimi i policisë:

Në kuadër të operacionit ?Vjeshtë 2017?, si dhe në vijim të punës për evidentimin dhe goditjen e trafikimit të lëndëve narkotike, Strukturat e Drejtorisë Vendore të Policisë Shkodër, kanë organizuar, zhvilluar dhe finalizuar operacionin  antidrogë të koduar ?Viluni Beach?.

Në kuadër të këtij operacioni,  rreth orës 02.45 minuta, në vendin e quajtur  Plazh Velipojë, konkretisht në oborrin e hotelit në pronësi të shtetasit P.V, rezident në Itali, në  një automjet Furgon  me targa AA 386 CE, në përdorim nga shtetasit:

J.B, 20 vjeç, lindur dhe banues në Orikum Vlorë  u gjet një sasi e madhe lëndë ndarkotike.

Kontrolli ka vijuar edhe në ambjentet e këtij hoteli, ku në katin e parë të hotelit është konstatuar një sasi tjetër lënde narkotike e paketuar dhe e futur në 6 çanta shpine.

Gjithashtu në oborrin e këtij objekti u evidentuan dhe u sekuestruan edhe dy automjete të tjera të lëna nga autorët , konkretisht mjeti ?Mercedes Benz? me targa AA 388 ME, në pronësi të shtetasit Sokol Ujka, 42 vjeç, banues në Velipojë, si dhe automjeti ?Ford Fiesta? me targa AA 421 LU, në përdorim nga shtetasi F.M, 32 vjeç, banues ne Përmet .

Në vijim të këtij operacioni shërbimet e Polcisë të D.V.P.Shkodër janë vënë në ndjekje të një automjeti ?Golf?, me targa AA 355 SL, i konstatuar në afërsi të hotelit ku u gjet dhe u sekuestrua lënda narkotike, që drejtohej nga shtetasi Enriko Zyle, Punonjës Policie në DRKM Tiranë, i cili në përpjekje  për tu larguar, nga shpejtësia ka humbur kontrollin e mjetit dhe për pasojë është batuar jashtë rruge.

Nga  hetimet paraprake të kryera  rezulton se ky punonjës policie është i implikuar në këtë veprimtari kriminale.

Në atomjetin që drejtohej nga punonjësi i policisë, ka mundur të largohet shtetasi GJ.N, 44 vjeç, banues në Lezhë.

Në përfundim të peshimit rezultoi se pesha totale e lëndës narkotike të sekuestruar është  1502 kg.

Në përfundim të veprimeve të para hetimore të kryera në bashkëpunim me SH.Ç.B.A, janë arrestuar në flagrancë shtetasit:

1.Sokol Ujka, 42 vjeç, banues në Velipojë Shkodër.

3.Arbër Bozhanaj, 30 vjeç, banues në Orikum Vlorë

Ndërkohë vijon puna për kapjen e tre shtetasve të shpallur në kërkim:

1.F.M, 32 vjeç, banues në Përmet

2.J.B, 20 vjeç, banues në Orikum Vlorë.

Në bashkëpunim me Prokurorinë e Krimeve të Rënda po punohet për dokumentimin e plotë ligjor  të këtij aktiviteti kriminal, si dhe për identifikimin dhe kapjen e autorëve të tjerë të dyshuar  si të implikuar në këtë ngjarje. Materialet do ti kalojnë Prokurorisë për Krime të Rënda Tiranë , për veprat penale ?Trafikimi i narkotikëve kryer në bashkëpunim, mbetur në tentativë?.





Lajmet e fundit nga