web counter
LEXO PA REKLAMA!

SHKARKO APP

App Store
Google Play

E fundit!

x

Ministrja Qato në Bulqizë: Projekt për ndërtimin e një miniere të re

11 Nëntor 2017, 13:46, Aktualitet CNA

Ministrja për Mbrojtjen e Sipërmarrjes, Sonila Qato, e shoqëruar nga Zv. Ministri i Infrastrukturës dhe Energjisë, Enis Aliko, vizituan sot zyrat e administrative të Minierës Bulqizë, sikurse inspektuan zonën e zhvilluan takim me punonjësit. Gjatë takimit të zhvilluar me administratorët, dhe teknicienët e Minierës, u diskutua rreth perspektivës së shtimit të numrit të të punësuarit nëpërmjet projektit për të ndërtuar një minierë të re.

Ministria Qato shprehu mbështetjen e Qeverisë për zhvillimin e qëndrueshëm të sektorit të minierave dhe mineraleve nëpërmjet projekteve të cilat jo vetëm garantojnë punësimin më të lartë në zonë por sigurojnë dhe pagesa dinjitoze për puënjosit e minierës.  Deri më sot investimi në minierë ka qënë i rëndësishëm, sidomos në zhvillimin e thellësisë, projekt i cili pritet të mbarojë në mars 2018, investim ky thelbësor jo vetëm prej krijimi të aksesit në nivele të ndryshme por dhe për shtimin e jetëgjatësisë së minierës.

Nga ana tjetër Zv. Ministri Aliko, diskutoi me administratorët rreth garantimit të kushteve teknike të punës në miniera, përmirësimit të tyre dhe automatizimin e proceseve të minierës.

Një ndër temat e diskutimit qe dhe impakti i shkaktuar nga rihapja e shkollës së mesme profesionale Gjeologji/Miniera, që jep një alternativë edukimi profesional për shumë të rinj nga qyteti i Bulqizës dhe zonës përreth dhe siguron dhe kuadrot e ardhshme të menaxhimit të industrisë në këtë zonë.

Miniera sot punëson një numër të lartë punëtorësh, ku një pjesë e madhe janë familjarë të rinj, në moshëm mesatare 35 vjec. Ministrja Qato së fundmi u shpreh se me politikat e qeverisë në lidhje me punonjësit e minierave pritet që numri i të punësuarve të rritet ndjeshëm./ CityNews





Lajmet e fundit nga