web counter
LEXO PA REKLAMA!

SHKARKO APP

App Store
Google Play

Presidenti Meta takon komisionerin Hahn/ Luftë pa kompromis ndaj krimit e korrupsionit

10 Nëntor 2017, 11:26, Aktualitet CNA

Presidenti i Republikës, Ilir Meta ka takuar sot në ambientet e presidencës Komisionerin për Politikën e Fqinjësisë dhe Negociatat e Anëtarësimit, Johannes Hahn. Në fokus të diskutimeve ishte anëtarësimi i Shqipërisë në Bashkimin Europian, të cilin e cilësoi si një projekt kombëtar strategjik, që meriton të gjithë angazhimin institucional dhe qytetar për plotësimin e 5 prioriteteve, zbatimi i të cilave do të sjellë çeljen e negociatave të anëtarësimit.

Gjithashtu, presidenti Meta i pohoi komisionerit Han se lufta e pa kompromis kundër krimit të organizuar dhe zbatimi i reformës në drejtësi duhet të njohin hapa të shpejtë e cilësorë përpara, jo vetëm në funksion të vendimit për çeljen e negociatave të anëtarësimit por edhe në një plan afatgjatë për forcimin e sundimit të ligjit në vend.

Duke vlerësuar investimin e madh të BE dhe SHBA në reformën në drejtësi, Presidenti Meta vuri në dukje rëndësinë jetike që ka zbatimi i qenësishëm i saj. Ai kërkoi vëmendjen e posaçme të ekspertëve të EURALIUS që asistojnë në këtë proces, për interpretimin e saktë të legjislacionit në interes të krijimit sa më të shpejtë e të besueshëm të institucioneve të reja të drejtësisë. /Citynews





Lajmet e fundit nga