E fundit!

16:50 Aktualitet

Siguroi kushtet për të kryer vrasjen e Hajrullës dhe Matodashajt/ GJKKO shpall dënimin për Erio Zejnon

Gjykata e Posaçme ka dënuar me 7.4 vjet burg Erio Zejnon, ...

Sulmi ndaj gazetarëve/ Rama sulmon Bashën: Çudi e madhe me ty o mik që nuk mëson

10 Nëntor 2017, 10:49, Aktualitet CNA

Kryeministri Edi Rama, i ka kthyer përgjeigje kreut të Partisë Demokratike, Lulzim Basha, pas sulmit të këtij të fundit nga rrjetet sociale, ku e quante fjalimin e Ramës si kriminal dhe nxitës të dhunës ndaj gazetarve.

Me anë të një postimi në rrjetet sociale, Rama shprehet se ishte Lulzim Basha ai që kur ishte në çadër deklaronte se të gjitha mediat janë të kapura nga droga përveç një televizioni, që tranmetonte protestën e opozitës.

Ai e ka quajtur Bashën gënjeshtar dhe i thotë atij të kërkojë falje për shpifjet e bëra, pasi sipas Ramës, ai kurrë nuk e ka thënë një gjë të tillë siç ka bërë Basha.

Rama shprehet në vijim se “Të respektosh median, do të thotë të respektosh lirinë e tyre edhe kur gënjejnë e shpifin, po jo të heshtësh edhe kur gënjeshtrat e shpifjet e tyre bëhen mal para syve të tu. Ashtu sikundër ja edhe tani, në këtë moment, ti je i lirë të gënjesh e të shpifësh ndaj meje, siç po bën prej një muaji e ca – më vjen vërtet gjynah për ty po është e drejta jote të ribëhesh qesharak. Ama njerëzit duhet të dëgjojnë edhe anën time e pastaj gjykojnë vetë ata, mos e ki merak.” /CityNews

Postimi i plotë Ramës:

LB ishe ti apo isha unë në Çadër, kur ulërije ?të gjitha mediat janë të kapura nga droga përveç një kanali tv?, të cilin i?a rekomandoje publikut si burim të kulluar?! Unë kurrë s?e kam imagjinuar, jo më ta them një veshëgjatllëk të tillë. Eshtë thjesht shpifje!

Prandaj kërkoju falje njëherë të gjitha mediave (përveç njërës) që i kriminalizove me baltën e Çadrës për muaj të tërë, ditë për ditë, pastaj fol sa të duash për rrezikun që u vjen nga fjalët e mia.

Po mos e harro, unë kam jetuar me ta, kam punuar me ta, kam ngrënë kopaçe kokës e më ka dalë edhe gjak për lirinë e fjalës bashkë me ta. Apo s?e mban mend?! Kështu që nga unë e nga fjalët e mia dje, sot e mot, atyre mund t?u dalë më shumë vrer nga goja kundër meje e qeverisë sime, po kurrë nuk u ka hyrë, nuk u hyn e nuk t?u hyjë një gjemb në këmbë. Kurrë.

Por natyrisht, gojë s?kanë vetëm ata dhe gojën time e kam pasur, e kam dhe do ta kem sa të kem frymë, për të vërtetat e mia që nuk i negocioj e as i kyç në heshtjen hipokrite të medemek respektit për median!
Të gjithë jemi të lirë të flasim, njerëzit pastaj janë të lirë t?i gjykojnë të gjithë, edhe mua njësoj si gjithë të tjerët.

Të respektosh median, do të thotë të respektosh lirinë e tyre edhe kur gënjejnë e shpifin, po jo të heshtësh edhe kur gënjeshtrat e shpifjet e tyre bëhen mal para syve të tu. Ashtu sikundër ja edhe tani, në këtë moment, ti je i lirë të gënjesh e të shpifësh ndaj meje, siç po bën prej një muaji e ca – më vjen vërtet gjynah për ty po është e drejta jote të ribëhesh qesharak. Ama njerëzit duhet të dëgjojnë edhe anën time e pastaj gjykojnë vetë ata, mos e ki merak.

Sepse, mos e harro, ta kam thënë shpesh, në publik po edhe sy më sy, kush i merr shqiptarët për budallenj e pëson dhe sa më shumë t?i bëjë për budallenj aq më keq e pëson!

Çudi e madhe me ty o mik që nuk mëson ?